«Egemen Qazaqstan» respýblıkalyq gazeti» AQ Basqarma tóraǵasy Darhan Qydyráli bastaǵan qazaqstandyq delegasııa Orynbor qalasyndaǵy tarıhı oryndardy aralady.
Sonyń ishinde «Ushqyn» gazetiniń redaksııasy bolǵan ǵımarat, 1919-1924 jyldary Qyrǵyz (qazaq) Ortalyq atqarý komıteti ornalasqan úı, Ult ustazy Ahmet Baıtursynuly turǵan, aǵartýshy Ybyraı Altynsarın qyzmet etken ǵımarattar bar.
Qazaqstannyń Reseı Federasııasyndaǵy Elshiliginiń kómegimen, Orynbor oblysy jáne qalasy basshylarynyń qoldaýymen «Ushqyn» gazeti redaksııasy bolǵan kóne ǵımaratqa, qazirgi Lenın kóshesi 17 úıdiń qabyrǵasyna eskertkish taqta ornatý jóninde kelisimge qol jetkizildi.