30 naýryz kúni Kúnde eń joǵary X sanatyna jatatyn qýatty jarqyl tirkelip, ǵaryshqa plazmanyń iri bulty tarady. Onyń bir bóligi Jer baǵytyna qaraı jyljyp keledi, dep jazady Egemen.kz.
Mamandar bul qubylystyń planetamyzǵa yqpal etýi múmkin ekenin teriske shyǵarmaıdy.
Astronomdardyń málimetinshe, jarqyl Astana ýaqytymen saǵat 8:19-da bolǵan. Bul – aqpan aıynan beri alǵash ret tirkelgen osyndaı deńgeıdegi belsendilik. Sonymen qatar, sońǵy eki táýlikte Kúndegi ekinshi iri oqıǵa bolyp otyr, buǵan deıin 28 naýryzda dál osylaı plazma laqtyrylǵan edi.
Ǵaryshtan alynǵan derekterge súıensek, plazmanyń negizgi bóligi janama baǵytta qozǵalyp barady. Degenmen, onyń Jerge qatysty yǵysý buryshy shamamen 40° bolǵandyqtan, bulttyń shetki bólikteri planetamyzǵa jetýi yqtımal.
Kún betinde alapat jarylys týdyra alatyn energııa jınaqtalyp jatqan bolýy múmkin
Mamandardyń boljamynsha, plazmanyń yqtımal áseri 1-2 sáýir aralyǵynda sezilýi múmkin. Bul kezeń NASA-nyń Aıǵa ushatyn kemesiniń josparlanǵan ushyrylymymen tuspa-tus keledi.
Ǵalymdar mundaı qubylystar geomagnıttik jaǵdaıǵa áser etip, baılanys júıeleri men navıgasııalyq qurylǵylardyń jumysyna ýaqytsha ózgerister engizýi múmkin ekenin aıtady.
Kún betinde aýqymdy jarylys boldy