Azattyq, táýelsizdik arman edi, Jasyryn bir kúı edi júrektegi. Armandy aqıqatqa jalǵap elim, Halqymnyń oryndaldy tilekteri.
Ońaılyqpen kelmeıdi egemendik, Jemisi ol san jylǵy kúresterdiń. Tarıhqa túren salyp eren erlik, Serpildi kóńilderde siresken muń. Búginde azat elim, bıik – mereı, Zor maqsat, alar asý – aldymyzda. Mártebem árqashanda bıiktegeı, Baıandy baqyt qonyp halqymyzǵa. Toıymyz kópten kútken tarqasyn ba, Elimiz asty qazir on segizden. Elbasy erliginiń arqasynda, Árdaıym bıik bolmaq eńsemiz de. Bolar bala belgili besiginen, Er jigitke qut daryp, baq qonady. Nursultandaı ulynyń esimimen, Dál qazir barsha halyq maqtanady. Mezgildiń artta qalyp “óliarasy”, Berekesi búginde keldi úıimniń. Bilgenge Qazaqstan tóraǵasy, Eýropa tórinde beldi uıymnyń. Bir ulmyn shyn júrekten talaptanyp, Tilegin aq júrekke túıip kelgen. Qııaǵa qyran qussha qanat qaǵyp, Árdaıym kórineıik bıikterden. Bahodır SABIT, Qazaqstan Jazýshylar odaǵynyń múshesi. О́zbek tilinen aýdarǵan Murat BEKEI. Ońtústik Qazaqstan oblysy, Qazyǵurt aýdany, Turbat aýyly.