Jyl saıyn Almaty qalasynda ornalasqan Qazaqtyń Sport jáne týrızm akademııasynda Jeltoqsan oqıǵasynyń qurbany, Halyq qaharmany Qaırat Rysqulbekovti eske túsirýge arnalǵan respýblıkalyq týrnır ótip turady.
Aıtýly jarysta joǵary oqý oryndarynyń stýdentterinen bólek, respýblıkamyzdyń ár óńirinen jınalǵan bylǵary qolǵap sheberleri baq synaýda. Ár jyldary Baqtııar Artaev, Baqyt Sársekbaev, Mırat Sársenbaev, Jánibek Álimhanuly, Ábilhan Amanqul, Bekbolat Quramysov jáne taǵy basqa sańlaqtar osy týrnırde óner kórsetip, óz sheberlikterin shyndady. Ýaqyt oza olardyń barlyǵy da asa iri halyqaralyq dodalarda daralanyp, memleketimizdiń maqtanyshyna aınaldy.
Qazaqtyń Sport jáne týrızm akademııasy, Almaty qalasynyń ákimdigi jáne jekelegen demeýshilerdiń qoldaýymen «Rýhanı jańǵyrý» baǵdarlamasy aıasynda jyl saıyn dástúri túrde ótip júrgen Qaırat Rysqulbekovti eske túsirýge arnalǵan respýblıkalyq týrnırdiń jeńimpazdaryna kelesi jyldan bastap Qazaqstan Respýblıkasynyń sport sheberi ataǵyn berý jóninde usynys aıtyldy.
Biz bul usynysty Qazaqstan Respýblıkasy Mádenıet jáne sport mınıstriliginiń Sport komıtetine joldadyq. Jáne de quzyrly organ tarapynan ol qoldaý tabady degen oıdamyz. Sebebi, Halyq qaharmany Qaırat Rysqulbekov el azattyǵy jolynda qurban bolǵan jan. Jeltoqsan oqıǵasy kezinde 22 jastaǵy órimdeı jas eshteńeden qaımyqpastan KSRO-nyń sodyr saıasatqa qasqaıyp qarsy turdy. Sol úshin de mert boldy. Qazaqstan Táýelsizdik Alashtyń maqtan tutar azamatynyń qurmetine jyl saıyn respýblıkamyzdyń kóptegen aımaqtarynda túrli sharalar ótýde. О́z kezeginde Qazaqtyń Sport jáne týrızm akademııasy tarapynan boksshylar arasyndaǵy respýblıkalyq týrnır qatarynan 19 jyl boıy úzdiksiz uıymdastyrylyp keledi. Kelesi jyly aıtýly jarystyń jalaýy 20 márte jelbireıdi. Osy mereıtoılyq týrnırde top jarǵan jigitterge sport sheberi ataǵy berilse, nur ústine nur bolar edi, deıdi aıtýly akademııanyń boks jáne aýyr atletıka kafedrasynyń meńgerýshisi Taıyrjan Ysqaqov.