Almatydaǵy Balýan Sholaq atyndaǵy Mádenıet jáne sport saraıynda taekvondodan Raıymbek batyrdy eske túsirýge arnalǵan ashyq respýblıkalyq týrnır ótti.
XVIII ǵasyrda jońǵarlarǵa qarsy shaıqasta talaı ret kózsiz erlik kórsetip, ataǵy shyqqan qazaqtyń qas batyryna arnalǵan jarysta respýblıkamyzdyń barlyq aımaǵynan jáne О́zbekstan men Qyrǵyzstannan kelgen 1500-ge tarta sportshy baq synady.
«Rýhanı jańǵyrý» baǵdarlamasy boıynsha respýblıkalyq jáne qalalyq taekvondo federasııasy, Almaty qalasy ákimdiginiń qoldaýymen uıymdastyrylǵan dúbirli doda túrli jas erekshelikteri boıynsha júldeler sarapqa salyndy.
Balalar arasyndaǵy básekede Almas Nurahmetov, Nuraı Raıymbek, Aısha Saılaýhan, Nııaz Amethanov, Batyrlan Maqsatuly, Damır Janshylyqov, Valerıı Pak, Marlen Serik, Bek Yntymaqtyń baǵy jansa, jasóspirimder saıysynda Arýjan Tileýjanova, Álisher Salamatov, Araılym Arapbaı, Ásel Ábýbákir, Aınur Syzdyqbaeva, Aıaýjan Tasqynbek, Beıbarys Qabylan, Asqat Mámbetov, Alekseı Iаmshıkov, Sultan Baıtursyn, Anton Pak, Abdolla Ábilqasym, Bektóre Oralhanov, Álibek Nurǵazy, Qaısar Nurbergen jáne taǵy basqa taekvondoshylar top jardy.
Sol sekildi jastar men eresekter arasyndaǵy básekeler de asa tartysty ótip, barlyq qarsylasyn sypyra utqan sportshylar jeńis tuǵyrynyń eń bıik satylaryna kóterildi.
ALMATY