Táýelsizdik kúni qarsańynda Petropavl qalasynyń Polısııa basqarmasynda «Úzdik qyzmetker» konkýrsy ótkizildi.
Konkýrstyń maqsaty - polısııa qyzmetkerleri arasynda memlekettik tildiń mártebesi men mańyzyn arttyrý jáne memlekettik tildi keńinen nasıhattaý, polısııa qyzmetkerleriniń ımıdjin kóterý, tártip saqshylarynyń boıynda Otanyna, eline, jerine, tiline degen súıispenshilik, maqtanysh sezimin arttyrý, tildik ortany qalyptastyrý jáne til mádenıetine tárbıeleý.
Ár bólinisten qatysqan qyzmetkerler konkýrstyń sharty boıynsha ózderiniń tapqyrlyqtaryn, memlekettik tilde óz oılaryn áserli jáne anyq jetkize biletindikterin, sóıleý mádenıetin, sondaı-aq, ónerge beıimdiligin kórsetti. Qatysýshylar aldymen sálemdesip, óleń, beınefılm arqyly ózderin tanystyrdy. Ekinshi jarys «Intellektýaldyq suraqtar» dep atalyp, bul kezeńde qatysýshylar normatıvtik quqyqtyq aktiler, qazaqtyń salt-dástúrleri, maqal-mátelderinen berilgen suraqtarǵa jaýap berdi. «Shabyt juldyzy» atanǵan úshinshi jarysta polıseıler qazaqtyń halyq ánderin, búgingi tańdaǵy zamanaýı ánderdi oryndap, bı bılep, kúı tartyp, qazaq tilindegi qórkem shyǵarmalarǵa teatrlandyrylǵan ınterpretasııalar jasady.
Úsh kezeńnen turǵan osy saıysta birinshi oryndy Krımınaldyq polısııa bóliminiń jedel ýákili, polısııa leıtenanty Jeńisgúl Beısembına aldy Al ekinshi jáne úshinshi oryndardy ıývenaldyq polısııa bólimshesiniń ýchaskelik polısııa ınspektory, polısııa kapıtany Áıgerim Áýbákirova men arnaıy qabyldaǵyshtyń polıseıi, aǵa serjant Ádil Zıkrın aldy. «О́nerli qyzmetker» nomınasııasyn jergilikti polısııa qyzmeti bóliminiń ýchaskelik polısııa ınspektory, polısııa leıtenanty Zarına Elýbaeva, al «Sózge usta-oıǵa sheber» nomınasııasyn Shtab bóliminiń aǵa ınspektory, polısııa kapıtany Aıagóz Ismaǵambetova jeńip aldy. Jeńimpazdar alǵys hattar jáne baǵaly syılyqtarmen marapattaldy.
Qalalyq PB bastyǵy, polısııa polkovnıgi Jandos Muqatov barlyq qatysýshylardy Táýelsizdik kúni merekesimen quttyqtap, qyzmetkerlerdiń tilge, ata dástúrge, ulttyq qundylyqtarǵa degen qurmeti erekshe qýantady dep atap ótti. «Búgingi konkýrsqa qatysqan qyzmetkerler bilimderi men ónerlerin ortaǵa salyp, ózderin jańa qyrlarynan tanytty. Polıseıler sportpen shuǵyldanýmen qatar, ózderiniń bilimderi men qabiletterin osylaı, jan-jaqty jetildirýi tıis», - dedi basqarma basshysy.
QYZYLJAR