Búgin 16 jeltoqsan – Qazaqstan Respýblıkasynyń Táýelsizdigi kúni túrli salada jumys isteıtin shymkenttik jastar baspanamen qamtyldy. Bes jylǵa jalǵa beriletin turǵyn úı berý baǵdarlamasy Jastar jyly aıasynda Tuńǵysh Prezıdent – Elbasy N.Nazarbaevtyń bastamasymen júzege asyrylýda.
Búgin 16 jeltoqsan – Qazaqstan Respýblıkasynyń Táýelsizdigi kúni túrli salada jumys isteıtin shymkenttik jastar baspanamen qamtyldy. Bes jylǵa jalǵa beriletin turǵyn úı berý baǵdarlamasy Jastar jyly aıasynda Tuńǵysh Prezıdent – Elbasy N.Nazarbaevtyń bastamasymen júzege asyrylýda.
Páter kiltin jastarǵa qala ákimi Erlan Aıtahanov saltanatty túrde tabystap, elimizdiń bolashaǵy jastardyń ósip, órkendeýi úshin memleket tarapynan kóptegen qoldaýlar kórsetilip jatqandyǵyn atap ótti.
«Bul baǵdarlamanyń erekshiligi jastarǵa óziniń bolashaqtaǵy jeke menshik úıiniń bastapqy jarnasyn jınaqtaýǵa mol múmkindik beretini. Iаǵnı, jastarymyz páterden-páterge kóship, aı saıynǵy naryqtaǵy páteraqynyń ornyna 5-7 myń teńge kólemindegi tólemaqyny tóleıdi», - dedi Erlan Qýanyshuly.
Bul kúni qalamyzdaǵy dárigerler, muǵalimder, ınjenerler, kommýnaldyq jáne quqyq qorǵaý organdary men energetıka, mádenıet, sport salasynyń qyzmetkerleri, kásiporyn jumysshylarynan quralǵan jastar qurylys jumystary aıaqtalǵan úıden sý jańa páter kilitterin aldy. Osylaısha qaıyrymdy qalada Jastar jyly aıasynda qoǵamnyń ár salasynda eńbek etip júrgen 30 jas baspanaly (1 bólmeli - 25, 2 bólmeli 5 páter bar) boldy.
Ári, shahardaǵy jyl sońyna deıin beriletin 904 páterdiń kiltterin tabystaý kezeńi Táýelsizdik kúnimen tuspa-tus bastalyp ketti.
Aqnazar han kóshesindegi satyp alý quqyǵynsyz paıdalanýǵa berilgen kópqabatty turǵyn úıdegi páterlerdiń jalpy aýdany 1137 sharshy metrdi quraıdy. Osy úıdiń qurylysy barysynda 200-den astam jas jumyspen qamtamasyz etilgen.
Aıta keterligi, elimizdegi joǵary oqý oryndary men jastar jıi shoǵyrlanǵan megapolıste aldaǵy eki jylda jastar úshin 900-den astam páter beriletin bolady. Osylaısha baǵdarlama aıasynda 2704 jas jaldamaly úımen qamtamasyz etilmek.
Shymkent