Eýropalyq Odaq (EO) pen Qazaqstan arasyndaǵy Yntymaqtastyq keńesi óziniń otyzynshy otyrysyn ótkizdi. Otyrys EO delegasııasynyń basshysy retinde Lıtva Respýblıkasynyń Syrtqy ister mınıstri Lınas Lınkıavıchıýstiń tóraǵalyq etýimen boldy.
Qazaqstan delegasııasyn Qazaqstan Respýblıkasy Premer-Mınıstriniń orynbasary Erbol Orynbaev basqardy. Otyrysqa sondaı-aq Eýropa Syrtqy baılanys qyzmetiniń bas operasııalyq dırektory O’Sallıven men EO-nyń Ortalyq Azııa boıynsha Arnaıy ókili Patrısııa Flor hanym qatysty.
Yntymaqtastyq keńesi birqatar salalardaǵy qatynastardy nyǵaıtý úshin eki taraptyń aıtarlyqtaı jumys atqarǵanyn rastady jəne 2011 jylǵy maýsymda ótken EO men Qazaqstan arasyndaǵy Yntymaqtastyq keńesiniń on ekinshi otyrysynan keıingi kezeń ishindegi qyzmetke baǵa berdi. Yntymaqtastyq keńesi kelissózderdiń jalǵasatynyna jəne Qazaqstan men Eýropalyq Odaq arasyndaǵy əriptestik pen yntymaqtastyq týraly jańa keńeıtilgen kelisimniń jasalatynyna qyzyǵýshylyǵyn qýattady.
Yntymaqtastyq keńesi óńirlik te, sondaı-aq ulttyq deńgeıde de Ortalyq Azııa boıynsha EO Strategııasyn keshendi iske asyrýdyń mańyzdylyǵy týraly taǵy da məlimdedi jəne Qazaqstannyń Ortalyq Azııa boıynsha EO óńirlik bastamalaryna qatysatynyn quptady. Quqyq ústemdigi, bilim berý men qorshaǵan orta sııaqty naqty bastamalarǵa qatysty ahýaldy damytý jaıy talqylandy.
Yntymaqtastyq keńesi eki tarap úshin de mańyzdy bolyp otyrǵan birqatar máselelerdi talqylady, atap aıtqanda, saıası reformalar, quqyq ústemdigi men adam quqyǵy, saýda-ekonomıkalyq qatynastar, Ortalyq Azııadaǵy óńirlik yntymaqtastyq (sý, energetıka jáne qorshaǵan ortany qosa alǵanda) jáne halyqaralyq máseleler áńgime ózegine aınaldy.
Keńes Qazaqstannyń Búkilálemdik saýda uıymyna kirýi týraly kelissózderdiń oń nátıjelerin quptady. EO Qazaqstan Respýblıkasynyń BSU-ǵa músheligine qoldaý kórsetti, ol qalǵan saýdalyq tosqaýyldardy eńserýge kómektesedi jáne ekijaqty saýdany barynsha ulǵaıtýǵa umtylady.
Keńes Ortalyq Azııadaǵy óńirlik yntymaqtastyqty jáne Aýǵanstandy qosa alǵanda, halyqaralyq máselelerdi talqylady. Yntymaqtastyq keńesi óńirdegi janjaldardyń aldyn alý jáne áleýmettik-ekonomıkalyq damýdyń tıimdi tásili retinde Ortalyq Azııadaǵy óńirlik yntymaqtastyqtyń mańyzdylyǵyn atap kórsetti. Osy mán-mátinde Yntymaqtastyq keńesi Ortalyq Azııa áriptesterin sý resýrstaryn basqarýǵa, óńirdegi qaýipsizdik pen energetıka máselelerine qatysty turaqty sheshimdi izdeýge shaqyrdy. О́ıtkeni, bul barlyq múddelerdi eskerýge jáne óńirdegi birlikti saqtaýǵa járdemdeser edi.
«Egemen-aqparat».