Almaty oblysynda áleýmettik mańyzy bar azyq-túlikterdi satatyn dúkenderde kúnkóriske qajetti taýar baǵasy birshama tómendemek. Bul oblystyń turaqtandyrý qorynan bólingen qarjynyń arqasynda múmkin bolyp otyr.
Qazir arnaıy dúkenderde azyq-túliktiń ár kelisi úshin qoıylǵan baǵa tabysy az otbasylar men zeınetkerler úshin qalta kóteretindeı deńgeıde. Mysalǵa, kartop 80 teńge, kúrish 225 teńge, kespe 180 teńge, qant 180 teńge, pııaz 65 teńgeden satylýda.
-Turaqtandyrý qoryna 5,5 myń tonna áleýmettik mańyzy bar azyq-túlik taýarlary alyndy. Ol Taldyqorǵan qalasynyń «Jeruıyq» kommýnaldy bazarynda jáne turaqtandyrý qorynyń qoımasynan tikeleı satylady. Jaqyn arada taýar qalanyń azyq-túlik dúkenderine jetkiziledi. Agenttik kelisim jasaý máselesin pysyqtap jatyrmyz, deıdi «Jetisý» áleýmettik kásipkerlik korporasııasy memlekettik baǵdarlamalardy júzege asyrý jónindegi departamenttiń dırektory Bahtııar Sembekov.