Kenshiler astanasynda «Senim 109» biryńǵaı baılanys ortalyǵy synamaly rejimde jumys isteı bastady, dep habarlady oblys ákiminiń baspasóz qyzmeti.
Bul jerde qala turǵyndary kommýnaldyq máselelerge, medısınalyq qyzmetterge, bilim berý, qoǵamdyq kólik jumysyna jáne basqa da problemalarǵa qatysty suraqtary men usynystaryn jáne shaǵymdaryn aıta ala alady.
Barlyq ótinishterdi mamandar óńdep, tıisti memlekettik organdarǵa jetkizip otyrady. Mekemeler shaǵymnyń sebebin qysqa merzimde anyqtap, kemshilikterdi joıýǵa mindetti bolady.
Baılanys ortalyǵyna uıaly jáne qalalyq telefonnan «109» nómiri boıynsha qońyraý shalýǵa bolady. Júıege Qaraǵandy qalasynyń 60-tan astam memlekettik mekemesi tirkelgen. Operatorlar demalys jáne mereke kúnderi saǵat 8.00-den 20.00-ge deıin jaýap beredi.
Sondaı-aq baılanys ortalyǵyna Facebook áleýmettik jelisindegi «Senim 109» paraqshasy arqyly shyǵyp, habarlasýǵa bolady. Áleýmettik jelilerdegi barlyq habarlamalar #senim109 heshtegimen belgilenip, 25 sımvoldan kem bolmaýy tıis. Shaǵym men usynysty senim109.kz Telegram bot-qa jáne senim109.kz ınternet-portalyna jiberýge múmkindik bar.
Ázirge biryńǵaı baılanys ortalyǵynyń qyzmeti qaraǵandylyqtardan ǵana ótinishter qabyldaı alady. Aldaǵy ýaqytta servısti oblystyń barlyq turǵyndary úshin qoljetimdi etý josparda bar.