Ulttyq mýzeıde «Saq dáýiri eskertkishterin zertteýdiń zamanaýı máseleleri» atty semınar ótti. Bul týraly mýzeıdiń baspasóz qyzmeti habarlady.
Qazaq jerinde saq mádenıetin baıandaý, dálirek aıtsaq, sol kezeńniń arheologııalyq eskertkishteriniń zerttelýi asa qyzyqty qubylys sanalady. Erte kóshpeliler mádenıetiniń aıshyqty kórinisi dalalyq zertteýlerden tabylǵan biregeı jádigerler ekeni anyq. Sonymen qatar, osynaý zertteýler negizinde ólkelerdegi saq mádenıetteriniń shyǵý tegi, eskertkishterdiń erte tıpteri jáne olardyń arhaıkalyq erekshelikteri, mádenıetterdiń ózara alys-jaqyndyǵy anyqtaý ózekti tyqyryp.
Semınar barysynda atalǵan máselelermen tyń zertteýler jańasha qorytyndylar jasaýǵa múmkindik berdi. Osyǵan oraı saq mádenıeti boıynsha zertteý jumystaryn zamanaýı ádister negizinde qaıta qarastyrý týraly máseleler qozǵaldy.
Semınarǵa t.ǵ.k., arheolog-ǵalym A.Z. Beısenov, Memlekettik Ermıtajdyń Shyǵys Eýropa jáne Sibir arheologııa bóliminiń aǵa ǵylymı qyzmetkeri t.ǵ.k., metall zertteýshi tehnolog-maman E.A. Shablavına, QR Ulttyq mýzeıi «Halyq qazanasy» ǴZI bashysy t.ǵ.k., A. Ońǵar qatysty.
Shara barysynda arheologııa salasy boıynsha júıeli zertteýler negizinde baıandamalar jasaldy. Sonymen qatar t.ǵ.k., arheolog-ǵalym A.Z. Beısenov Ortalyq Qazaqstan óńirinen tapqan Erte temir dáýirine tán júzden astam qundy jádigerdi Ulttyq mýzeı qoryna tapsyrdy.