«Astana jastary» memlekettik mekemesiniń eriktileri jańa jyl qarsańynda «Ardagerlerdi ardaqtaıyq» aksııasyn ótkizdi. Bul týraly qala ákimdiginiń resmı saıty habarlady.
«Astana jastary» JRO Eriktiler qozǵalysyn damytý bóliminiń jetekshisi Elvıra Esmuqanova búgingi shara aıasynda 11 ardagerge azyq-túlik sebeti taratylǵanyn atap ótti.
«Jańa jyl qarsańynda «Ardagerlerdi ardaqtaıyq» jáne «Adresa zaboty» aksııalaryn ótkizýdi jón kórdik. Bul aksııany biz 3 jyl boıy turaqty uıymdastyryp kelemiz. Shara aıasynda eriktiler jalǵyz basty nemese qaraýsyz qalǵan qart ardagerlerge azyq-túlik taratamyz jáne qystygúni aýla qaryn tazalaýǵa kómektemiz. Búgin biz 11 ardagerge azyq-túlik sebetin syıǵa tartýdamyz. Olardyń arasynda az qamtylǵan jáne tyl ardagerleri bar. Jáne búgingi sharaǵa 10 volonter belsene qatysýda. Jalpy jyl basynan azyq-túlik taratý jumysyna 200-ge deıin volonter qatysty», - dedi ol.
Bólim jetekshisiniń aıtýynsha, jalpy bıyldyqqa 145 azyq-túlik sebeti az qamtylǵan, tyl ardagerleri jáne kópbalaly otbasylarǵa taratyldy.
«Bizde qalalyq ardagerler keńesi bar, biz olarmen tyǵyz baılanystamyz. Iаǵnı atalǵan keńes bizge kómekke muqtaj jandardyń tizimin beredi, biz óz kezegimizde olarǵa qol ushyn sozamyz. Iаǵnı bireýge azyq-túlik alyp bersek, ekinshisine úı aýlasyndaǵy qardy tazalaýǵa kómektesemiz. Biz negizinen qar tazalaý jumysymen naýryz aıynda aınalysatynbyz. Degenmen, qar kóp túsip jatqandyqtan jumys kólemin azaıtý úshin osy bastan kiristik. Qar tazalaý jumysyna qys boıy 600-700 eriktini tartamyz», - dedi ol.
Bólim basshysynyń málimdeýinshe, bir kúnde eriktiler 2-den 10-ǵa deıingi úıdiń qaryn tazalaıdy.