Keshe Italııada A16 tas jolynyń Neapol-Kanoza ýchaskesinde oryn alǵan iri kólik apaty saldarynan kem degende 36 adam qaza tapty. Bul týraly «Frans Press» agenttiginiń aqparyna silteme jasaǵan RIA «Novostı» habarlap otyr.
Qutqarýshylardyń aıtýlary boıynsha, qaza bolǵan 33 adamnyń denesi apatqa ushyraǵan avtobýs ishinen shyǵarylsa, taǵy úsheýi qıraǵan kóliktiń astynan tabylǵan.
Jergilikti BAQ ókilderiniń málimetine súıensek, Neapol qalasynan jol júrip kele jatqan týrıstik avtobýstyń ishinde 40-tan asa adam, onyń birazy balalar bolǵan kórinedi.
Oqıǵa ornynda qutqarý jumystaryn júrgizgen órt sóndirýshilerdiń aıtýlaryna qaraǵanda, 11 adam, onyń ishinde alty áıel, eki erkek pen úsh bala apattan aman qalǵan. Alaıda, olardyń kóbisi aýrýhanaǵa asa aýyr hálde jetkizilgen.
Jol polısııasynyń deregi boıynsha, jol apaty A16 tas joly Monteforte Irpıno eldi mekeniniń mańynda oryn alǵan. Kýágerlerdiń aıtýyna qaraǵanda, avtobýstyń tejegishi isten shyqqan kórinedi. Jol ústinde ol birneshe avtokólikti soǵyp ótip shamamen 25-30 metr bıiktikten saıǵa qulap túsken.
Aıdar О́risbaev.
Sýretter RIA «Novostı» saıtynan alyndy.