Búgin Jambyl oblysynyń 80 jyldyǵy aıasynda oblystyq qazaq drama teatryna qazaqtyń kórnekti tuńǵysh rejısseri Asqar Toqpanovtyń esimi berilip, teatr aldynan tulǵa eskertkishi ashyldy.
Eskertkishti KSRO Halyq artısi, Qazaqstannyń Eńbek Eri Asanáli Áshimov, Qazaqstan Respýblıkasynyń memlekettik syılyǵynyń laýreaty Esmuhan Obaev, Qazaqstan Respýblıkasynyń halyq artısi Tuńǵyshbaı Jamanqulov saltanatty jaǵdaıda ashyp, Asanáli Áshimov ónerdegi ustazy týraly tebirene estelikter aıtty.
Sonymen qatar Qazaqstan Respýblıkasy Mádenıet jáne sport mınıstri Aqtoty Raıymqulova, Jambyl oblysynyń ákimi Asqar Myrzahmetov, Asanáli Áshimov jáne ózge de azamattar Asqar Toqpanov eskertkishine gúl shoqtaryn qoıdy. Budan keıin teatrda Asqar Toqpanovtyń ómir jáne óner jolynan syr shertetin «Toqpanov taǵylymy» atty kitaptyń tusaýy kesildi.