Premer-Mınıstrdiń orynbasary Berdibek Saparbaev Qazaqstan Respýblıkasynyń Úkimetindegi baspasóz konferensııasy barysynda málimdedi. Bul týraly Premer-Mınıstrdiń baspasóz qyzmeti habarlady.
Tuńǵysh Prezıdent – Elbasy N. Nazarbaevtyń tapsyrmasyna sáıkes, 2020 jyldyń 1 qańtarynan bastap eńbekke qabiletinen aıyrylý, asyraýshysynan aıyrylý jáne jumysynan aıyrylý boıynsha járdemaqy alatyn 132 myńnan astam azamatqa áleýmettik tólemderdiń mólsheri orta eseppen 30%-ǵa artady.
Budan ózge, kelesi jyldan bastap eńbekke qabiletinen aıyrylý jáne asyraýshysynan aırylý boıynsha áleýmettik járdemaqy alýshylarǵa qaıta esepteýge qosymsha retinde áleýmettik tólemderdi 5%-ǵa ındeksteý qarastyrylǵan.
Qazaqstan Respýblıkasynyń Eńbek jáne halyqty áleýmettik qorǵaý mınıstrliginiń málimeti boıynsha, aǵymdaǵy jyldyń 11 aıynda áleýmettik tólemderdiń jalpy somasy 178,8 mlrd teńgeni qurady.
«Jalpy, elimizdiń bıýdjetindegi áleýmettik shyǵyndardyń úlesi jyl saıyn artyp keledi. Salystyrý úshin aıtar bolsaq, 2018 jyly bul úles 43% boldy, 2019 jyly – 45%, 2020 jyly — 50%. Bul bizdiń el basshylyǵynyń saıası baǵyty áleýmettik sıpatta ekenin, ıaǵnı halyqtyń ál-aýqatyn arttyrýǵa baǵyttalǵanyn bildiredi» dedi B. Saparbaev.
2019 jylǵy 1 jeltoqsandaǵy jaǵdaı boıynsha mindetti áleýmettik saqtandyrý júıesi 6,3 mln-nan astam qazaqstandyqty qamtyp otyr, bul elimizdiń jumyspen qamtylǵan halqynyń 72%-nan astamyn quraıdy.
«Búginde biz daıynbyz. Qazaqstandyqtardyń málimetterin ózektilendirdik, statýstaryn anyqtap, esepke aldyq, qoldanystaǵy aqparattyq júıelerdi kiriktirdik» dedi B. Saparbaev.
2019 jyldyń 11 aıynda jumys berýshiler esebinen Áleýmettik medıısnalyq saqtandyrý qoryna 275 mlrd teńgege jýyq qarjy tústi. Jyl saıyn keminde 500-700 mlrd teńge jınaý mindeti jur.
MÁMS engizý nátıjesinde kelesi jyldan bastap bir saqtandyrylýshyǵa shyǵyndarynyń 57,5%-ǵa – 55 myń teńgede 87 myń teńgege deıin ósýi kútiledi, medısınalyq ınfraqurylym damytylady, medısınalyq tehnıkamen jaraqtandyrylý deńgeıi 70%-dan asady, joǵary tehnolorgııaly medısınalyq kómekke qoljetimdilik men medısınalyq qyzmetter kórsetý sapasy artady.