Qazaqstandyq jol ǵylymı-zertteý ınstıtýtyna jumys saparymen kelgen Qyrǵyz Respýblıkasynyń Kólik jáne jol mınıstrliginiń ókilderi Jol aktıvterin basqarý júıesiniń jumysymen tanysty. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.
2017-2018 jyldar aralyǵynda «QazjolǴZI» AQ úsh jyldyq baǵdarlamanyń aıasynda Aqmola, Shyǵys Qazaqstan, Qaraǵandy, Soltústik Qazaqstan jáne Qostanaı oblystaryndaǵy joldardyń 5188 shaqyrymyn dıagnostıkadan ótkizip, pasporttaǵan bolatyn. Qyrǵyz Respýblıkasynyń Kólik jáne jol mınıstrligi qyzmetkerleriniń Almatyǵa jasaǵan jumys sapary aıasynda qazaqstandyq jolshylar óz tájirıbesimen qyrǵyzstandyq áriptesterimen bólisti.
Búgingi tańda Qyrǵyzstan jalpy paıdalanymdaǵy avtomobıl joldaryn dıagnostıkadan ótkizý jáne pasporttaý, sondaı-aq Jol aktıvterin basqarý júıesin engizý sharalary júrgizip jatyr. Instıtýt qyzmetkerleri áriptesterin joldardy sertıfıkattaý men dıagnostıkalaýǵa arnalǵan baǵdarlamalyq qamtamasyzdandyrylǵan jyljymaly jol zerthanalarynyń jumysymen tanystyrdy. Keshenniń quramynda jol betkeıiniń, jol jıeginiń jáne joldyń ornalasý elementteriniń aǵyndy beınelerin túsirýge arnalǵan beınekameralar, joldyń egjeı-tegjeıli dıagnostıkasyn júrgizýge múmkindik beretin basqa da joǵary tehnologııalyq zamanýı jabdyq bar. Kezdesý sońynda taraptar aldaǵy ýaqytta da yntymaqtastyqta jumys istep, ózara tájirıbe almasýlar jóninde kelisti.