• RUB:
    6.68
  • USD:
    520.93
  • EUR:
    609.07
Basty saıtqa ótý
Qoǵam 26 Jeltoqsan, 2019

AÁK alý úshin 2020 jylǵy qańtar aıynda da qujat tapsyrýǵa bolady

200 ret
kórsetildi

Eńbek jáne halyqty áleýmettik qorǵaý birinshi vıse-mınıstri Erjan Jylqybaev jáne Eńbekmıni Eńbek, áleýmettik qorǵaý jáne kóshi-qon komıtetiniń tóraǵasy Erbol Nurǵalıev Shymkent qalasy jáne Túrkistan oblysyna jumys sapary barysynda Halyqty jumyspen qamtý ortalyqtarynyń (budan ári - HJQO) qyzmetkerlerine jáne aýdan turǵyndaryna ataýly áleýmettik kómek (budan ári - AÁK) berýdiń jańa erejelerin túsindirdi. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

Birinshi vıse-mınıstr Túrkistan oblysynda túsindirý jumystary qarsańynda Saıram aýdanynyń Halyqty jumyspen qamtý ortalyǵyna barýdan bastady. Erjan Jylqybaev Halyqty jumyspen qamtý ortalyǵy qyzmetkerlerine AÁK-ti jańa formatta taǵaıyndaý máselelerin azamattarmen aldyn-ala pysyqtaýdy usyndy.

«Sizder bilesizder, 2020 jylǵy 1 qańtardan bastap ataýly áleýmettik kómek toqsan saıyn taǵaıyndalatyn bolady. Endi sizderdiń eki negizgi mindetterińiz bar: jeltoqsan aıyna tólemderdi kelesi jylǵa aýystyrmaı jyl sońyna deıin tóleý jáne azamattarǵa qańtar aıynda AÁK taǵaıyndaý úshin qujattar tapsyrýǵa bolatyndyǵyn jáne aqpanda áleýmettik kómek alatyndyǵyn túsindirý. Olar jańa jyldyq merekelerden keıin alańdap, jumyspen qamtý ortalyqtarynda kezek qurýdyń qajeti joq», dedi ol.

Sonymen qatar Saıram aýdanynda Erjan Jylqybaev Nátıjeli jumyspen qamtýdy jáne jappaı kásipkerlikti damytýdyń «Eńbek» memlekettik baǵdarlamasyn iske asyrý aıasynda AÁK, granttar men mıkrokredıtter alǵannan keıin óz isin tabysty ashqan aýyl turǵyndarymen kezdesti.

«Osy adamdardyń bireýi shaǵyn bıznesti úıde ashty, bireý mektepke deıingi bilim berý kýrstaryn uıymdastyrdy. Bul memlekettiń qoldaýyn paıdalana otyryp, otbasynyń materıaldyq jaǵdaıyn jaqsartýǵa ǵana emes, sonymen qatar jaqsy tabys tabýǵa da múmkindik beretin mysaldar. Men jumyssyz adamdardy kásipkerlikti damytý úshin jaqsy tetikter kózdelgen «Eńbek» memlekettik baǵdarlamasyna belsendi qatysýǵa shaqyrǵym keledi. Sonymen qatar kópbalaly analardy kishi jáne shaǵyn bızneske tartý úshin kelesi jyldan bastap kredıt berý merzimi artyp, kredıt boıynsha paıyzdyq mólsherleme azaıady», dedi Erjan Jylqybaev isin jańa bastaǵan kásipkerlermen kezdesý sońynda.

Búgin birinshi vıse-mınıstr Shymkent qalasynyń turǵyndarymen kezdesý ótkizip, 2020 jylǵy 1 qańtardan bastap engiziletin ataýly áleýmettik kómek kórsetýdiń jańa tetikterin egjeı-tegjeıli túsindirdi.

Qala turǵyndarynyń aldynda sóz sóılegen Erjan Jalqybaev aǵymdaǵy jylǵy 12 jeltoqsanda Parlament Senaty «Qazaqstan Respýblıkasynyń keıbir zańnamalyq aktilerine mindetti áleýmettik saqtandyrý, áleýmettik qamsyzdandyrý jáne densaýlyq saqtaý salasyndaǵy memlekettik-jeke menshik áriptestik máseleleri boıynsha ózgerister men tolyqtyrýlar engizý týraly» Zańdy qabyldaǵanyn eske saldy.

«Zań kópbalaly otbasylarǵa jańa memlekettik járdemaqy engizýdi, AÁK kórsetý tetikterin jetildirýdi jáne tabysy az otbasynan shyqqan balalarǵa kepildik berilgen áleýmettik toptama engizýdi kózdeıdi», dedi E.Jylqybaev.

Sonymen qatar 2020 jylǵy 1 qańtardan bastap 4 jáne odan da kóp kámeletke tolmaǵan balalary bar nemese 23 jasqa deıingi kúndizgi oqý bóliminde oqıtyn stýdentteri bar otbasylarǵa otbasynyń tabysyna qaramastan saralanǵan mólsherde: 4 balaǵa – 42 496 teńge; 5 balaǵa – 53 127 teńge; 6 balaǵa – 63 757 teńge; 7 jáne odan da kóp balaǵa – 74 388 teńge memlekettik járdemaqy tólenedi.

AÁK usynýdyń jańa tásilderi mynalardy kózdeıdi: ár toqsan saıyn ataýly áleýmettik kómek taǵaıyndaý; AÁK taǵaıyndaýdyń qazirgi shekti krıterııin saqtaý - otbasynyń jan basyna shaqqandaǵy ortasha tabys kúnkóris deńgeıiniń 70%-ynan kem bolýy kerek; otbasynyń barlyq músheleri úshin AÁK mólsherin jan basyna shaqqandaǵy kirister men kedeılik sheginiń arasyndaǵy aıyrmashylyq retinde anyqtaý; eńbekke qabiletti azamattarǵa qoıylatyn talaptardy kúsheıtý, eger olar jumysqa ornalasýdan bas tartqan jaǵdaıda, AÁK tóleý barlyq otbasy úshin toqtatylady; ýchaskelik komıssııalardyń osy prosestegi róliniń kúsheıýimen otbasynyń materıaldyq jaǵdaıyna zertteý júrgizý merzimin 3 kúnnen 7 kúnge deıin ulǵaıtý.

Kepildik berilgen áleýmettik toptamany usyný aıasynda 1 jastan 6 jasqa deıingi tabysy az otbasylardyń balalary azyq-túlik jıyntyǵymen jáne gıgıenalyq zattarymen qamtamasyz etiledi, 6 jastan 18 jasqa deıin olar mektepterde ystyq tamaqpen, oqý quraldary men mektep kıimderimen qamtamasyz etiledi, sondaı-aq mektepke deıingi jol júrý shyǵyndary óteledi. 18 jasqa deıingi balalarǵa medısınalyq kómek, onyń ishinde stomatologııalyq kómek aqysyz medısınalyq kómektiń jáne mindetti áleýmettik medısınalyq saqtandyrýdyń kepildendirilgen kólemi aıasynda kórsetiledi.

Sóz sońynda E.Jylqybaev zańǵa sáıkes, aǵymdaǵy jyly taǵaıyndalǵan AÁK jarty jylǵa taǵaıyndalǵany nemese bir jylǵa taǵaıyndalǵany mańyzdy emes, 31 jeltoqsanǵa deıin áreket etetinin atap ótti.

Jumys sapary barysynda birinshi vıse-mınıstr sondaı-aq HQKO-ǵa, HJQO-ǵa jáne Shymkent qalasynyń halyqty jumyspen qamtýdyń mobıldi ortalyǵyna barady, onda qyzmetkerlermen qajetti túsindirý jumystaryn júrgizedi, sondaı-aq AÁK alǵannan keıin bıznes ashqan qala turǵyndarymen kezdesedi.

Osyndaı túsindirý jumystaryn 26-27 jeltoqsanda Túrkistan oblysynda Eńbek jáne halyqty áleýmettik qorǵaý mınıstrligi Eńbek, áleýmettik qorǵaý jáne kóshi-qon komıtetiniń tóraǵasy Erbol Nurǵalıev júrgizedi.

Esterińizge sala keteıik, 24-25 jeltoqsan aralyǵynda Eńbek jáne halyqty áleýmettik qorǵaý vıse-mınıstri Narıman Mukyshev Qaraǵandy oblysynda AÁK-tiń jańa tetikterin engizý boıynsha halyqqa jáne Halyqty jumyspen qamtý ortalyǵynyń qyzmetkerlerine túsindirý jumystaryn júrgizdi.

Buryn habarlanǵandaı, Premer-Mınıstrdiń orynbasary Berdibek Saparbaevtyń óńirlerge jumys sapary barysynda Eńbek jáne halyqty áleýmettik qorǵaý mınıstri Birjan Nurymbetov Shyǵys Qazaqstan, Qaraǵandy, Qyzylorda, Atyraý, Batys Qazaqstan, Túrkistan, Aqtóbe, Pavlodar, Aqmola, Almaty, Soltústik Qazaqstan,  Qostanaı jáne Mańǵystaý oblystarynyń, sonymen qatar Almaty, Shymkent qalalarynyń turǵyndaryna AÁK taǵaıyndaýdyń jańa tetikteri boıynsha túsindirme jumystaryn júrgizdi.