Elorda ákimi Altaı Kólginov kezekti jeke qabyldaý ótkizdi. Azamattar turǵyn úı baǵdarlamalaryna qatysý, medısınalyq kómek alý, jumysqa ornalasý, bilim berý salasy, balalar úıirmelerin uıymdastyrý jáne t.b. máselelerdi kóterdi. Bul týraly qala ákimdiginiń baspasóz qyzmeti habarlady.
Memleket basshysynyń «halyq únine qulaq asatyn memleket» tujyrymdamasyna kóshý jáne halyqpen keri baılanysty nyǵaıtý tapsyrmasyn oryndaý maqsatynda qala ákimdigi turaqty negizde «Ashyq mıkrofon» formatynda qala turǵyndarymen kezdesýlerdi ótkizip turady.
5 jarym aı ishinde elorda ákimi Altaı Kólginov qabyldaýǵa jazylǵan 670-tan astam adamdy qabyldady. Suraqtardyń basym bóligi sheshildi, qalǵandary jumysqa alyndy. Azamattardy qabyldaý sondaı-aq aýdandyq ákimdikterde (aýdan ákimderi 2 myńnan astam adam, qala ákiminiń orynbasarlary 2,5 myń adam qabyldady) jáne «Januıa» otbasy ınstıtýtyn qoldaý ortalyǵynda ótedi.
Ortalyqqa 15 myń suraq boıynsha 7 myńnan astam adam júgindi. Zań aıasynda 11,6 myńnan astam keńes berildi, 3,6 myńnan astam másele sol jerde sheshildi.
Sonymen qatar, qala ákimi Altaı Kólginov «ashyq mıkrofon» formatynda qala aýdandarynyń turǵyndarymen kezdesý ótkizdi.