2020 jyldyń 10 qańtaryna deıin Almaty túbindegi ushaq apatynyń sebebi jarııa etiledi. Bul týraly Ortalyq kommýnıkasııalar qyzmetiniń baspasóz alańynda Indýstrııa jáne ınfraqurylymdyq damý vıse-mınıstri Berik Kamalıev aıtty.
«Qasym-Jomart Toqaevtyń tapsyrmasyna sáıkes, 10 qańtarǵa deıingi merzimde úkimettik komıssııa áýe apatynyń aldyn ala sebepterin jarııa etetin bolady. Sonymen qatar osyǵan deıin aıtyp ótkenimdeı, búgin Memleketaralyq avıasııa komıtetiniń sarapshysy keledi. Ekıpajǵa qatysty aıtar bolsam, ushýlar týraly erejege sáıkes, áýe kemesi ushý aldynda olar medısınalyq tekserýden ótedi. Olar medısınalyq tekserýden Almaty qalasy áýejaıynyń medısınalyq pýnktinen ótken»,- dedi Berik Kamalıev.
Apatqa ushyraǵan «Fokker-100» ushaǵy sońǵy reısin 25 jeltoqsan kúni Atyraý-Almaty baǵytynda oryndaǵan eken.