«Air Astana» 27-29 jeltoqsan kúnderi elordadan Almatyǵa jáne keri baǵytta 5 qosymsha reıs shyǵarady. Bul týraly Azamattyq avıasııa komıteti Facebook paraqshasyna jazdy.
«7 qańtarǵa deıin keıinge qaldyrylǵan «Bek Air» reısteriniń jolaýshylary úshin «Air Astana» áýe kompanııasy oryn bolǵan jaǵdaıda Bek Eırdiń bastapqy bılet qunynan aspaıtyn baǵa usynatyn bolady. Jalpy, «Air Astana» 27-29 jeltoqsan kúni Nur-Sultannan Almatyǵy jáne keri baǵytta qosymsha 5 reıs shyǵardy. Áýe kompanııasy Bek Eırdiń alynyp tastalǵan reısteriniń jolaýshylarynan dittegen jerlerine der ýaqytynda jetýlerine kómektesý úshin qosymsha ishki reıster shyǵarý jumystaryn jalǵastyrýda» delingen habarlamada.
Sonymen qatar vedomstvo málimetinshe, SCAT áýe kompanııasy «Bek Eır» jolaýshylaryn tasymaldaýǵa 2020 jyldyń 31 qańtaryna deıin kómek kórsetetin bolady. Tasymaldaý bos oryn bolǵan jaǵdaıda júzege asyrylady. Jol júrý qujatyn rásimdeý úshin «Bek Air» áýe kompanııasynyń ókilderine júginý qajet. Munan bólek SCAT «Bek Air» kompanııasy ekıpajdaryn óńirlerden turǵylyqty jerlerine jetkizýde de kómek kórsetti. «Qazaq Air» áýe kompanııasy da «Bek Air» kompanııasynyń jolaýshylaryn tasymaldaýǵa kómek kórsetýdi 2019 jyldyń 31 jeltoqsanyna deıin sozyp otyr (bos oryndar bolǵan jaǵdaıda).
Munan bólek Úkimet tapsyrmasyna sáıkes, elimizdiń Indýstrııa jáne ınfraqurylymdyq damý mınıstrligi «Bek Eırdiń» alynyp tastalǵan reısteriniń jolaýshylaryn tasymaldaý úshin «Nur-Sultan-Almaty» baǵytynda qosymsha poıyz uıymdastyrdy. Poıyz 30 jeltoqsan kúni Nur-Sultan-1 stansasynan saǵat 22:03-te shyǵyp, Almaty-2 stansasyna 31 jeltoqsan kúni saǵat 17:30-da jetedi.
Temir jol kóligine mingisi keletin jolaýshylar tizim jasalýy úshin «Bek Eır» kompanııasynyń ókilderine júginýleri kerek.
Koll-ortalyqtardyń telefondary:
-«Qazaqstannyń avıasııalyq ákimshiligi»AQ +77172613187;
-«Eır Astana» áýe kompanııasy +77172584477, +77272444477, +77027024477;
-«SCAT» áýe kompanııasy +77252998880 (vn. 277, 278); - «Qazaq Air» áýe kompanııasy +77273561414;
-«Bek Eır» áýe kompanııasy +77273545000, +77017334576. Koll-ortalyqtar jumys, demalys jáne mereke kúnderi táýlik boıy jumys isteıdi.