Qaraǵandy oblysyndaǵy Maıorovka aýylynyń burynǵy ákiminiń týysy jerlesterine travmatıkalyq qarýdan oq jaýdyrdy. Bul týraly «Kýrsıv» jazady.
Osy aýyldyń burynǵy ákimi Tólegen Ospanovtyń aǵaıyny áýelide aýyldastarymen tóbelesedi. Artynan kýágerlerdiń aıtýynan málim bolǵanyndaı, qyzmettik kóliktiń rýlinde Tólegen Ospanov bolady da, sol kóliktiń ishinde otyrǵan týysy jergilikti jastarǵa oq jaýdyrady. Sonyń saldarynan jıyrmaǵa jýyq adam jaraqat alǵan kórinedi. Al bireýiniń hali óte múshkil.
T. Ospanov óziniń osy oqıǵaǵa qatysy joqtyǵyn, kerisinshe týysynyń basqalardan zábir kórgenin aıtady. Sondyqtan qaıtadan aýyl ákimi bolýǵa úmittenip otyrǵan bul azamattyń is-áreketin tekserý maqsatymen oblysta arnaıy komıssııa quryldy.
Danııar Túımebaı.