Chehııada ótip jatqan jastar arasyndaǵy álem chempıonatynda Qazaqstan quramasy alǵashqy jeńisine qol jetkizdi. Germanııamen ótken oıynda otandastarymyz 4:1 esebimen basym tústi.
Oıyndy qazaqstandyqtar sátti bastady. Matchtyń 5-mınýtynda Stanıslav Aleksandrov mergendigimen kózge túsken. Áıtse de, birinshi kezeńde esep ózgergen joq. Ekinshi taımda Oleg Boıko esepti 2:0-ge jetkizdi.
Úshinshi kezeńde jastar quramasy Germanııa qaqpasyna taǵy eki shaıba soqty. S.Aleksandrov 42-mınýtta dýbl jasasa, 57-mınýtta Denıs Chaporov qarsylas qaqpashysynan aılasyn asyrdy. Alaıda, oıyn sońynda Lýıs Shınko tablodaǵy esepti qysqarta aldy. Osylaısha, jastar quramasy alǵashqy jeńisin toılady.
Aıta ketý kerek, bul – Qazaqstan men Germanııa jastar quramalarynyń jubanysh kezdesýi aıasynda ótkizip otyrǵan ekinshi match. Birinshi oıynda nemister 4:0 esebimen jeńiske jetken bolatyn. Erejege sáıkes, jeńilgen komanda jastardyń elıtalyq dıvızıonymen qoshtasady. Al eki ret jeńiske jetken komanda óz ornyn saqtap qalady.