Qurmetti otandastar!
Qazaqstan halqy Assambleıasy pravoslavıe hrıstıandary men barsha qazaqstandyqtardy jarqyn meıram Rojdestvo merekesimen quttyqtaıdy!
Bul mereke adamdy jaqsylyq pen meıirimdilikke hám súıispenshilikke shaqyratyn rýhanı qasıetterdiń saltanat quratyn shaǵy. Uly dala eli túrli ult pen ulys ókilderine asa qurmetpen qarap, syılasýymen qashan da erekshelene bilgen.
Bul kúnderi ǵasyrlar qoınaýynan jetken rýhanı qundylyqtar, myzǵymas dostyqtyń dástúri men ózara qurmeti elimizdegi turaqtylyqtyń ári damýdyń jarqyn kórinisi. Pravoslavıe hrıstıandary qazaqstandyq qoǵamnyń aıryqsha bóligi, al Qazaqstannyń Orys Pravoslavıe shirkeýi jalpyulttyq birlik pen kelisimniń nyǵaıýyna zor úles qosýda.
Barshańyzdy qaıyrymdylyq pen meıirimdilikke úndeıtin merekemen quttyqtaımyn! Zor densaýlyq, jaqsylyq pen bereke-birlik tileımin!
Mereke árbir úıge, ár otbasyna shýaǵyn shashyp, qýanysh pen ıgilik ákelsin!
Qazaqstan halqy Assambleıasy