Fýtboldan el chempıonatynyń alty dúrkin chempıondary, elordanyń «Astana» fýtbol klýby keshe komandanyń jańa sport dırektoryn tanystyrdy.
Klýb baspasóz qyzmetiniń habarlaýynsha, «Astananyń» sport dırektory bolyp buǵan deıin Qazaqstan Fýtbol federasııasynda uzaq jyldar boıy qurama komandalar departamentin basqarǵan Ǵanı Qaınazarov taǵaıyndalǵan. «Ǵanı Ádilhanulynyń fýtboldaǵy tájirıbesi óte mol. Ol karerasynda Jambyldyń «Hımık», «Taraz», Almatynyń «Qaırat» jáne Qazaqstan quramasynyń namysyn qorǵaǵan. Fýtbolshy retindegi mansabyn aıaqtaǵannan keıin «Taraz» fýtbol klýbynda basshylyq qyzmet atqarǵan. Al osyǵan deıin sport dırektory qyzmetin atqarǵan Nurken Mazbaev klýb qurylymynda jumysyn jalǵastyratyn bolady», delingen habarlamada.