Bul kúnderi Taılandtyń Nakhonratchasıma qalasynda voleıboldan áıelder arasynda ótip jatqan Olımpııa oıyndarynyń irikteý týrnırinde Qazaqstan quramasy qatarynan ekinshi ret jeńiske jetti.
Azııa aýmaǵynda ornalasqan birqatar memleket ókilderiniń basyn qosqan jarystyń tusaýkeser kezdesýinde jerlesterimiz Iran quramasyn 3:0 (25:14, 25:16, 25:14) esebimen utqan edi.
Kelesi matchty qazaqstandyqtar Indonezııaǵa qarsy ótkizdi. Bul básekede de bizdiń arýlardyń basymdyǵy esh kúmán týǵyzǵan joq. Esep – 3:0 (25:22, 25:23, 25:18).
Endi otandastarymyz Ońtústik Koreıa quramasymen kúsh synasady. Osy jarystyń erejesine saı ár topta alǵashqy eki oryndy ıelengen komandalar jartylaı fınalǵa joldama alady.