Ulytaý oblysyna jumys sapary barysynda «Ádil ári progressıvti Qazaqstan úshin Halyqtyq Konstıtýsııa» jalpyulttyq koalısııasynyń músheleri Jezqazǵandaǵy «Kazkat» zaýytynyń ujymymen kezdesý ótkizdi. Kezdesýde koalısııa músheleri jańa Konstıtýsııa jobasynyń negizgi tujyrymdary men 15 naýryzda ótetin respýblıkalyq referendýmnyń mańyzdylyǵyn túsindirdi, dep habarlaıdy Egemen.kz.
Delegasııany Premer-mınıstrdiń orynbasary – Mádenıet jáne aqparat mınıstri Aıda Balaeva bastap keldi. Sondaı-aq kezdesýge Parlament Májilisiniń depýtaty Amanjol Altaı, zańger, memleket jáne qoǵam qaıratkeri Serik Aqylbaı, bilim júıesiniń ókili Nurlan Dýlatbekov jáne qoǵam qaıratkeri Ábilǵazy Qusaıynov qatysty.
Referendým: Taıaý Shyǵys elderindegi ýchaskeler ýaqytsha jumys istemeıdi
Aıda Balaeva zaýyt ujymymen kezdesýde jańa Konstıtýsııa jobasynyń basty prınsıpi – adam quqyqtary, bostandyqtary men qaýipsizdigi, sondaı-aq jumysshylardy qorǵaý kepildikterin kúsheıtý ekenin atap ótti.
«Negizgi ózgeris – adamnyń quqyqtary, bostandyqtary men qaýipsizdigi. О́nerkásip salasy úshin eńbek ujymdaryna tikeleı qatysty normalar mańyzdy. Negizgi zań eńbek quqyǵyn, qaýipsiz jumys jaǵdaıyn jáne ádil eńbekaqysyn qamtamasyz etedi. Bul normalar óndiristik jaraqattanýdyń aldyn alýǵa jáne jumysshylardyń densaýlyǵyn saqtaýǵa baǵyttalǵan. Iаǵnı jumys berýshi men memlekettiń eńbek jaǵdaıyna jaýapkershiligi Konstıtýsııa deńgeıinde bekitildi. Zań ústemdigi prınsıpi bar elde boljamdylyq joǵary, qaýip az jáne bolashaqqa senim kóp. Demek, kásiporyndardyń damýy men jumysshylardyń otbasynyń ál-aýqaty úshin múmkindikter artady», dedi Aıda Balaeva.
Kezdesý barysynda qatysýshylar konstıtýsııalyq reformanyń iri óndiristik ujymdar úshin tek saıası oqıǵa emes, sonymen qatar eńbek quqyqtaryn qorǵaý, kásiporyndardyń turaqtylyǵy jáne bolashaqqa senimdilik ekenin atap ótti. Negizgi nazar qaýipsiz eńbek jaǵdaıy, ádil eńbekaqy, zań ústemdigi jáne azamattyq quqyqtardy qorǵaý máselelerine aýdaryldy.
Referendým-2026: Saılaý ýchaskesin eGov Mobile arqyly tekserýge bolady
Kezdesý barysynda memlekettik-qoǵamdyq, eksperttik jáne ǵylymı qaýymdastyq ókilderi de sóz sóıledi. Olar jańa Konstıtýsııa jobasynyń máni, ádilettilik pen quqyqtyq ústemdigin nyǵaıtýdaǵy róli, sondaı-aq azamattardyń referendýmǵa belsendi qatysýynyń mańyzyn atap ótti.
«1995 jylǵy Konstıtýsııa múldem basqa jaǵdaılarda qabyldandy. Búginde Qazaqstan turaqty memleketke aınaldy. Sondyqtan jańa Konstıtýsııa kezdeısoq emes, ózgergen shyndyqqa jáne damýdyń jańa maqsattaryna jaýap beredi. Joba ashyq daıyndaldy, otandyq ǵalymdar, zańgerler men myńdaǵan azamattyń usynystary eskerildi. Bul qujattyń shyn máninde halyqtyq sıpaty baryn kórsetedi», dedi Serik Aqylbaı.
Zaýyt qyzmetkeri Altynaı Alpamysova sóz sóılep, eńbek adamy memleket úshin eń basty qazyna ekenin atap ótti.
«Jańa Konstıtýsııa eńbek adamyna senimdilik qana berip qoımaı, jaýapkershilikti de arttyrady. Qujatta adamnyń ómiri, quqyqtary men bostandyqtary – eń joǵary qundylyq dep kórsetilgen. Biz adal eńbegimizben Qazaqstandy damytamyz, al memleket bizdiń quqyqtarymyz ben qaýipsizdigimizdi qorǵaýy tıis. Sondyqtan barshańyzdy referendýmǵa qatysyp, Jańa Qazaqstandy birge qurýǵa shaqyramyn», dedi Altynaı Alpamysova.
Kezdesýdiń qorytyndysynda zaýyt ujymy konstıtýsııalyq reformany qoldap, respýblıkalyq referendýmǵa qatysýdyń mańyzdylyǵyn atap ótti.
Referendým qarsańyndaǵy qoǵamdyq kóńil kúı: jańa Konstıtýsııaǵa pikir qandaı?