Vetnamda túsiniksiz jaǵdaıda joǵalǵan 26 jastaǵy otandasymyz Ásem aman-esen tabyldy. Bul týraly onyń týǵan ápkesi habarlady, dep jazady Egemen.kz.
Ápkesi málimdegendeı, qazir Ásem polısııa bólimshesinde.
«Ol tiri, biraq jaǵdaıy alańdatarlyq. Qazir tergeý júrip jatyr, sondyqtan barlyq málimetti jarııalaı almaımyz. Eń bastysy ol tabyldy», dedi ápkesi.
Eske salsaq, Ásem 6 naýryzda Hoshımın qalasynda joǵalyp ketken bolatyn. Sol kúni ol qazaq konsýlymen kezdesýge Hanoıǵa ushýy tıis edi, alaıda áýejaıdan 20 shaqyrym qashyqtyqta baılanys úzilgen. Týystarynyń aıtýynsha, sol kezde Ásem qatty qorqyp, ony bireý ańdyp júrgenin aıtqan.
Keıinirek onyń 6 naýryz saǵat 15:08-de taksı qosymshasynda sapardan bas tartqan áreketi anyqtaldy.
Oralda iz-túzsiz joǵalyp ketken úsh adam aman-esen tabyldy
Týystarynyń aıtýynsha, Ásem joǵalardan buryn amerıkalyq áıelmen birge túski as ishken, al otbasymen sońǵy sóılesýinde onyń sózi túsiniksiz aıaqtalǵan.
Keıin Qazaqstan Syrtqy ister mınıstrligi Ásemniń týystarymen jáne ony izdep jatqan Vetnamnyń quzyrly organdarymen baılanysta ekenin habarlady.
Atyraýda 15 jastaǵy qyz joǵalyp ketti