Qaraǵandy oblysynda aqtútek boran bastaldy. Saldarynan respýblıkalyq jáne oblystyq mańyzy bar birneshe avtojolda barlyq kólikterdiń qozǵalysyna ýaqytsha shekteý engizildi, dep habarlaıdy Egemen.kz.
Aýa raıynyń qolaısyzdyǵyna baılanysty polısııa qyzmetkerleri kúsheıtilgen rejımge kóshti. Patrýldik polısııa batalony táýlik boıy jumys istep, jol qaýipsizdigin qamtamasyz etip, kólikte qalyp qoıǵan júrgizýshilerge kómek kórsetip jatyr.
Qostanaı oblysynda on úsh adam qar qursaýynan qutqaryldy
Qazir tártip saqshylary negizgi baǵyttardaǵy joldardy tekserip, qaýipti ýchaskelerde kezekshilik etýde. Jolda qar qursaýynda qalǵan kólikter de anyqtalǵan.
«Qazirgi tańda barlyq baǵyttaǵy joldar tekserilip jatyr. Keıbir jerlerde kóriný múlde nasharlaǵan. Sondaı-aq, jol boıynda qar qursaýynda qalǵan kólikter kezdesedi. Sondyqtan barlyq azamatqa aýa raıy turaqtalǵansha alys jolǵa shyqpaýǵa keńes beremiz», dedi patrýldik polısııa batalonynyń komandıri Medet Nurmuhanov.
Polısııa turǵyndardy qaýipsizdik sharalaryn qatań saqtaýǵa shaqyrady. Aýa raıy kúrt nasharlaǵan jaǵdaıda uzaq saparlardy keıinge qaldyryp, jolǵa shyqpas buryn avtojoldardyń ashyq nemese jabyq ekenin resmı aqparat kózderinen tekserý qajet.
Qaraǵandy oblysynda 800-den astam kólik qar qursaýynda qalyp qoıdy