Ulttyq ulannyń Án-bı ansambliniń Erler hory Máskeý qalasynda tanymal telejúrgizýshi Andreı Malahov júrgizetin «Rossııa-1» telearnasyndaǵy keshki mýzykalyq «Prıvet, Andreı!» baǵdarlamasynda óner kórsetti, dep habarlaıdy Egemen.kz.
Elimizdiń ónerpazdary kórermenge keńinen tanymal «Kogda my bylı na voıne» ánin oryndady. Shyǵarma erler horynyń ózine tán qýatty ári áserli mánerinde shyrqaldy. Oryndaý barysynda sahnalyq plastıka men bı elementteri úılesim taýyp, nomerdiń kórkemdigin arttyra túsip, ujymnyń joǵary deńgeıde ekenin aıqyndady.О́nerpazdardyń óneri stýdııa qonaqtary men kórermenniń jyly yqylasyna bólendi. Qazaqstandyq ártisterdiń shyǵarmashylyǵyn reseılik ánshiler men baǵdarlama qatysýshylary joǵary baǵalady. Olardyń qatarynda belgili estrada ánshisi Dmıtrıı Malıkov ta boldy.
Ulttyq ulan qyzmetkerleri qala turǵyndaryn merekemen quttyqtady
Mýzykalyq nomerden bólek, ulandyqtar stýdııaǵa Qazaqstannan arnaıy syı-sııapattar da ala keldi. Baǵdarlamada qyzyqty jaǵdaı boldy. Dastarqandaǵy tuzdalǵan qııar salynǵan bankany stýdııa qonaqtarynyń eshqaısysy asha almady. Bul mindetti stýdııada Ulttyq ulan erler horynyń solısi oryndap, kórermenniń zor qoshemetine ıe boldy.Aıta ketý kerek, bıyl Ulttyq ulannyń erler hory qurylǵanyna 10 jyl tolyp otyr. Osy ýaqyt ishinde shyǵarmashylyq ujym áskerı mádenıettiń jarqyn ókilderiniń birine aınalyp, túrli sahnalarda qazaq ónerin laıyqty deńgeıde tanytyp keledi.
«Bul sózdi buryn aıtpappyn»: Ulttyq ulan sarbazdary analaryn merekemen quttyqtady
Mereıtoıǵa oraı shyǵarmashylyq ujym úzdik shyǵarmalarynan turatyn úlken merekelik konsert ázirlep jatyr.Buǵan deıin Ulttyq ulannyń erler hory reseılik «Ný-ka, vse vmeste!» vokaldyq shoýynda tanymal bolǵan edi. О́nerpazdar Linkin Park tobynyń álemge áıgili Numb ánin dombyranyń súıemeldeýimen erekshe ınterpretasııada oryndap, qazylar alqasy men kórermenniń úlken qyzyǵýshylyǵyn týdyrǵan bolatyn.