Qasym-Jomart Toqaev «Egemen Qazaqstan» gazetiniń búgingi sanynda jarııalanǵan «Abaı jáne HHI ǵasyrdaǵy Qazaqstan» atty maqalasynda memleket pen qoǵam ókilderi túıtkildi máselelerdi birge talqylap, sheshimin tabý úshin Ulttyq qoǵamdyq senim keńesin qurǵanyn jazdy.
«Uly aqyn «Keleli keńes joǵaldy, El sybyrdy qolǵa aldy» degendi beker aıtqan joq. Elge bılik júrgizetinderge jurttyń kóńili tolmaıtynyn da ańǵartady. «Sybyrdan basqa syry joq, Sharýaǵa qyry joq» zamandastarymyz kóbeımes úshin bılik halyqqa árdaıym qulaq túrip otyrǵany jón. Memleket pen qoǵam ókilderi túıtkildi máselelerdi birge talqylap, sheshimin tabý maqsatynda Ulttyq qoǵamdyq senim keńesin qurdyq» delingen maqalada.
Sondaı-aq keńes formaldy sıpat alyp ketpeýi úshin Memleket basshysy keńes múshelerimen arnaıy kezdesip, jumysyn jiti qadaǵalap otyrǵanyn jazdy.