Almaty oblysynda tirkeýde turatyn 43 myńǵa jýyq otbasyn 4 jáne odan da kóp bala tárbıelep otyr. Iаǵnı, aımaqtaǵy osynsha otbasy jańartylǵan baǵdarlama boıynsha ataýly áleýmettik tólem alýdy bastady.
Respýblıkalyq bıýdjetten tólenetin memlekettik járdemaqy 4 bala úshin - 42 496 teńge, 5 bala úshin – 53 127 teńge, 6 bala úshin - 63 757 teńge, 7 jáne odan kóp balaǵa - 74 388 teńge kóleminde berilýde. Sondaı-aq, oblys boıynsha 18 jasqa deıingi 83 myń balany áleýmettik qoldaý maqsatynda 3,7 mıllıard teńge bólingen. Onyń ishinde mektep jasyna jetpegen 31 644 bala jáne mektep jasyndaǵy 52 681 balany kıim-keshek, ystyq tamaq qamtý men qoǵamdyq kólikte tegin júrýi úshin aranıy áleýmettik paket júzege asyp otyr.
Jalpy, oblystyń «Áleýmettik kartasy» sheńberinde kóp balaly jáne az qamtamasyz etilgen otbasylarǵa 3,5 mıllıard teńge kóleminde qoldaý kórsetilip, ol qarjynyń ıgiligin 106 myń adam kórgen eken. Onyń ishine kóp balaly analardyń qaladaǵy koǵamdyq kóliktermen tegin júrýi, mektepke deıingi mekemelerdegi tólemderdi sýbsıdııalaý, tabıǵı gaz jelisine tegin qosý jáne joǵarǵy oqý oryndarynda oqý úshin bilim granttaryn taǵaıyndaýi sııaqty sharalar kiredi.