Almaty oblysynyń medısına mekemelerindegi emdelýshiler úlesiniń artýy jekelegen dárigerlerdi artyq júktememen jumys isteýge májbúr etýde. Ásirese, jalpy tájirıbe dárigeriniń qabyldaýyna keletin naýqastar qatary sıremeı tur eken.
Al mamandar bıyl júkteme birshama azaıǵanyn aıtady. Buǵan deıin 1 dárigerge shaqqandaǵy qaralýshy naýqas úlesi 1878 adamǵa deıin jetse, endi bul kórsetkish 1717 turǵynǵa azaıǵan. Alaıda júktemeniń azaıýy aımaqtaǵy basy aýyryp, baltyry syzdaǵan adam sanynyń kemýinen emes, densaýlyq saqtaý mekemeleriniń ońtaılandyrýyna qatysty ózgergen eken. Mysalǵa, oblystaǵy medısınalyq qyzmet kórsetetin aýmaqtar úlesi 543 ýchaskelik bólikten 816 ýchaskelik bólikke deıin ulǵaıǵan. Nátıjesinde, jalpy tájirıbe dárigeriniń júktemesin azaıtýǵa múmkindik týdy.
Jalpy, qazirgi kúni Almaty oblysynda 122 jalpy tájirıbe dárigeri jetispeıdi. Oblystaǵy kadr tapshylyǵyn sheshý úshin dáriger daıyndaıtyn joǵarǵy oqý oryndarymen tyǵyz qarym-qatynas ornaǵan. Qajetti mamandy oqytý úshin oblystyq bıýdjetten 18 mln teńge qarjy qaralypty. Bıyl 47 jas dáriger Almaty qalasyndaǵy medısınalyq bilim beretin oqý oryndaryn támamdap, jumysqa kelmekshi.
Almaty oblysy