Sıdneıde mýral salyp júr

Janna Almahanqyzy Jer sharynyń bir qıyryndaǵy qalada «á» degennen óz ma­mandyǵyna sáıkes laıyqty qyzmet tappaǵan. Alaıda, keshkilik dáris sabaǵyna qa­tysa júrip, aǵylshyn tili­niń tolyqqandy muǵalimi ma­mandyǵyn meńgerip alypty. Búginde Sıdneıdegi Aǵylshyn ortalyǵynda aǵylshyn tilinen sabaq beredi. Negizgi kásibi sýretshilikten de qol úzbegen. Qala ákimshiliginiń 2015 jylǵy uıymdastyrǵan mý­ral salý baıqaýyna qatys­ty, odan taıaýda sol baıqaý­dyń qorytyndysyna saı jeńim­paz atanyp, júlde aldy. Qala basshylyǵy qazaq qyzy­nyń jobaǵa ilikken tań­daýly sýretterin jaryqqa shyǵarýǵa ruhsat beripti. Ol – J.Batyrqulovanyń «Velo­sıpedshi» («Cýclist») mý­raly. Qazir Aýstralııa asta­nasyndaǵy baǵdarshamnyń kóp­tegen jelilik úıshikteri Janna Al­mahanqyzynyń «velo­sıped­shisimen» kórkem­delgen.

– Sıdneıde Almatydaǵy se­kildi kópqabatty úılerge er­kin túrde mýral salýǵa ruq­­­­sat joq. Degenmen sol baı­­qaý­dan soń arnaıy komıs­sııa­­nyń sheshimine oraı men bir qabatty úlken keńseniń qabyrǵasyna «Jaz» atty shy­ǵarmamdy salýǵa kelisim aldym, – deıdi ol.

Almatyda qaqaǵan qys, Sıdneıde naǵyz jaz ortasy. Termometr shákili +38 gradýs­tan tómen túser emes. Oǵan Sam­bera aımaǵy jaǵyndaǵy alapat órttiń ystyq lebi uryp turǵany  jáne bar. Soǵan qa­ramastan J.Batyrqulova kúni keshe qabyrǵadaǵy shy­ǵarmasyn oıdaǵydaı jazyp bitti.

Ol ózi týyp-ósken Alma­tyda ótken jyly jaz ortasynda «MURAL FEST» baıqaýynyń bastalǵanyn, bıyl oǵan Fransııa men Ger­manııadan, Is­panııadan, Portýgalııadan, Fılıppın men Gonkongtan strıt-art sýretshilerdiń kele­tinin bile­di. Árıne ınternet arqyly habardar. Armany – alaqanyn ysqalap sol baıqaýǵa qatysý. Amal neshik – jol alys, qol qysqa.

– Qala ákimdigi taǵy bir­neshe avtorlyq mýralymdy tıisti nysandarǵa salýǵa ruq­sat etse, Almatyma qustaı ushyp baratyn kún alys emes, – deıdi  Sıdneıde turatyn qazaq qyzy.

ALMATY

Sýret Janna Batyr­qulovanyń jeke jeli paraq­shasynan alyndy