Voleıboldan Qazaqstannyń erler jáne áıelder quramasy Taıland pen Qytaıda ótken Tokıo Olımpıadasyna joldama berýshi halyqaralyq týrnırge qatysty. Barlyq oıynda jeńilis tapqan eki quramamyz da Olımpıada joldamasynan qur qaldy.
Qytaıdyń Szıanmyn qalasynda uıymdastyrylǵan erler arasyndaǵy týrnırde Qazaqstan quramasy alǵash Qytaıdan 0:3, ekinshi oıynda da Iran quramasyna dál sondaı eseppen ese jiberdi. Sońǵy úshinshi matchta Qytaılyq Taıpeıden 1:3 nátıjesimen jeńilip, óz tobynda sońǵy orynda qalyp qoıdy.
Taılandta ótken áıelder arasyndaǵy básekeni jerlesterimiz sátti bastady. Toptyq kezeńniń alǵashqy eki oıynynda Qazaqstan quramasy Iran men Indonezııadan basym tússe, úshinshi kezdesýde Ońtústik Koreıa sportshylarynan jeńildi. Jartylaı fınalda Taıland quramasymen kezdesip, alań qojaıyndary 3:1 esebimen jeńiske jetti. Al úshinshi oryn úshin ótken básekede bizdiń voleıbolshylar qytaılyq Taıpeıden 3:1 esebimen basym túsip, Olımpıadaǵa joldama almasa da jarysty qola júldemen aıaqtady.