Belarýs prezıdenti Aleksandr Lýkashenko Gomel oblysynda Prıpıat ózeninde 57 kılo keletin jaıyn ustap alǵanyn aıtyp maqtanǵan kórinedi. Bul týoaly VVS Orys qyzmeti habarlady.
Munyń jóni mynadaı. Buqaralyq aqparat quraldary ótken aptada ǵana Reseı prezıdenti Vladımır Pýtınniń premer-mınıstr Dmıtrıı Medvedevpen birge, jandaryna osy eldiń týmasy Sergeı Shoıgýdy jandaryna alyp, Tývada balyq aýlaýǵa barǵandarynda 20 kılolyq shortan ustaǵanyn jarysa habarlaǵan edi.
Al Belarýs prezıdentiniń aıtýynsha, Prıpıat ózeninde mundaı iri balyq ustaý kúni keshege deıin múmkin bolmapty. «Endi ol jerdegi másele rettelip, qolyńdy sýǵa salsań balyq tistep alatyndaı deńgeıge jetti», - dep málim etti Lýkashenko ańshylyq pen balyq aýlaý erejesin jetildirý taqyrybymen ótken jınalysta.
Prıpıat ózeni Ýkraına men Belarýstiń ońtústigi arqyly ótedi. 1986 jyly Chernobyl AES-inde bolǵan apattan keıin bul óńirdegi balyq sharýashylyǵy báseńdep qalǵan bolatyn.
Sultan Bozaıǵyr.