Atyraýǵa Ońtústik Koreıadan qýanyshty habar kelip jetti. Koreıanyń Chýn-Chon qalasynda ótken Azııa chempıonatynda bizdiń jeti jerlesimiz buryn-sońdy bolmaǵan jetistikke jetip, bas júldeni jeńip aldy.
Tańǵy shyq elinde ótken halyqaralyq saıysqa Atyraýdan qatysqan 9 taekvondoshy el namysyn tabysty qorǵady. Sonyń ishinde Aıdana Edilbaeva, Aıgúl Elýbaı, Almas Mellatov, Álıhan Seıitov, Jasulan Qanatov, Móldir Álmuqasheva men Aıagóz Nyǵmetova Azııa chempıony atandy. Al Araılym Orazaqova men Aıtýar Shaıkenov júldeli ekinshi orynǵa ıe boldy.
Olardyń bárin Atyraý qalasyndaǵy №1 balalar jáne jasóspirimder sport mektebiniń taekvondo úıirmesinde Sáýle Sardarova men Aısulý Halamqalıeva jattyqtyrady.
Bıyl jyl basynan beri elimizdiń batys óńiri de ózge oblystar sııaqty sporttyq jarystardan jerlesterin qýantyp keldi. Til-kózimiz tasqa, bizdiń taǵy birneshe jerlesimizdiń jyldyń sońyna deıin sporttaǵy jetistikterimen qýantatyn oılary bar. Laıym bolaı bolǵaı! Jeńis kóbeısin!
Joldasbek Shópeǵul,
«Egemen Qazaqstan».
Atyraý oblysy.