Qyzylorda oblysynyń ishki ister organdarynyń qyzmetkerleri qujatyn joǵaltyp alǵan О́zbekstan azamatyn eline qaıtardy. Bul týraly oblystyq ishki ister departamentiniń baspasóz qyzmeti habarlady.
.
Ústimizdegi jyldyń 28 maýsymynda Aral AIIb-niń qyzmetkerleri qyzmet atqarý kezinde «Shymkent-Samara» tas jolynyń boıynda Aqtóbe oblysyna qaraı ketip bara jatqan «KamAZ» avtokóligin teksergen. Onyń barysynda avtokólik ishinde qujattary joq bir azamat anyqtalǵan. О́zinen surastyrǵan kezde ol О́zbekstan Respýblıkasynyń 1989 jyly týǵan azamaty Tımýr Iýsýpov ekenin aıtqan. Polısııa qyzmetkerleri shetel azamatynyń jeke basyn anyqtaý úshin ony alyp qalyp, isin aýdandyq sotqa joldaıdy. T.Iýsýpov sot sheshimimen jeke basy anyqtalǵanǵa deıin Qyzylorda OIID «Qabyldaý-taratý ornyna» ornalastyrylǵan.
Azamat T.Iýsýpovtyń óz aıtýynsha, 21 maýsymda óziniń «Shevrolet-Spark» jeke avtokóligimen Reseı Federasııasyna jolǵa shyqqan. Jolda janar maıy taýsylǵan soń, joldyń jıegine kólikti qoıyp, janar maı alyp kelýge ketken. 1 saǵattaı ýaqytta qaıtyp oralǵanda avtokólikti taba almaǵan. Odan soń Tımýr Iýsýpov jolaı kólikpen Qyzylorda qalasyna jetken. Qyzylorda qalasynda qujattaryn joǵaltyp, odan ári Reseıge jol tartqan Tımýrdy jolda toqtatqan araldyq polıseıler onyń odan ári adasýyna múmkindik bermedi.
Atalǵan derekti departament basyshylyǵy tikeleı nazarda ustady. Departament bastyǵynyń orynbasary Ámirbek Shaımaǵambetovtiń nusqaýymen T.Iýsýpovtyń týǵan jeri О́zbekstan Respýblıkasy Samarqand qalasyna suraý salynyp, áke-sheshesine habar jiberilgen. Kórshiles ózbek eliniń azamaty Tımýr Iýsýpovty ákesi Amın Iýsýpov kelip, óz eline alyp ketti. Qyzylorda OIID qyzmetkerleri Tımýrdyń avtokóligin de taýyp berdi. Jańaqorǵan aýdanynan tabylǵan avtokólikti Jańaqorǵan AIIb qyzmetkerleri jol jıeginde 2-3 kún qaraýsyz qalǵandyqtan jáne ıesi tabylmaǵandyqtan avtoturaqqa ornalastyrǵan eken.
Tımýrdyń ákesiniń aıtýynsha, balasynyń aqyl-esinde azdaǵan kemtarlyq bar kórinedi. Sondaı-aq este saqtaý qabiletiniń tómendigin de aıtyp otyr.
Balasynyń tabylǵanyna qýanǵan ákeniń qyzylordalyq polıseılerge aıtar alǵysy sheksiz. «Balamdy qyzylordalyq polıseıler taýyp bermegende, qaı jerden izderimdi bilmes edim», deıdi Amın Iýsýpov rıza kóńilin bildirip.
Balasyn ákesine tabystaǵan Qyzylorda OIID qyzmetkerleri T.Iýsýpovtyń qujattaryn rásimdep, kóligin ózine qaıtaryp, ákeli-balaly kórshi eldiń azamattaryn eline attandyryp saldy.
Sultan Bozaıǵyr.