Eýropa lıgasynyńúshinshi irikteý kezeńinińaıasynda «Aqtóbe» klýby óz alańynda ıslandııalyq«Breıdablık» komandasymen kezdesip, 1:0 esebimen jeńiske jetti.
«Aqtóbe» — «Breıdablık» (Koýpavogıýr, Islandııa) 1:0
Aqtóbe. «Ortalyq». 13500 kórermen.
Bas tóreshi: Lıbor Kovarjık (Chehııa).
«Aqtóbe»: Sıdelnıkov, Mýldarov, Badlo, Praımýs, Arzýmanıan (Kenjesarıev, 61), Logvınenko, Harabara, Haırýllın, Kovalchýk (Geınrıh, 73), Kapadze, Davydov (Grıdın, 79).
«Breıdablık»: Gýnnleıfsson, Troost, Ingason, K.Ionsson, Margeırsson, Hreıdarsson, Lıdsson (Elısabetarson, 79), Gardarsson (E.Sıgýrdsson , 64), Ieoman, Rohde, Hreınsson (Vılıalmsson, 87).
Gol: Haırýllın (90, penaltı).
Kezdesýde «Aqtóbe» barlyq jaǵynan basymdyq tanytty. Oıynnyń birinshi mınýtynan bastap salǵan betten shabýylǵa shyǵyp, qarsylastar qaqpasyna qaýipti jaǵdaılar jasap otyrdy. 5 mınýtta Sergeı Davydov qaqpashymen birge-bir shyǵyp, aılasyn asyra almady. Ol qaqpashynyń qolyna dopty tıgizip, qolda turǵan múmkindikti jiberip qoıdy. Budan keıin de birinshi taımda alań ıeleri birneshe múmkindikter bolǵan. Alaıda, «Breıdablıktiń»qorǵanysy«Aqtóbege» gol soǵýǵa eshqandaı múmkindik bermedi.
Osy kezdebiz ózimiz áleýmettik jelide otyrǵanymyzda, «Aqtóbeniń» burynǵy oıynshysy Samat Symaqovtyń «Twitter» áleýmettik jelisindegi paraqshasynda: «Kezdesýde Kenjesarıev pen Geınrıh jetispeı jatyr» degenine kózimiz shalyp qaldy. Shynymen Samat aıtqandaı, birinshi taımda alań ıelerine osy ekeýi jetispeı jatqandaı sezilip turdy. «Aqtóbe» qanshama ret shabýyl jasaǵanymen, Kenjesarıevtiń alystan beretin ádemi pastary, Geınrıhtyń ortalyq alańdaǵy oıyny jetispeı jatqandaı-aq boldy. «Aqtóbeniń» bas jattyqtyrýshysy Vladımır Nıkıtenko sony ózi sezgendeı, ekeýin de ekinshi taımǵa shyǵardy. Kenjesarıev 61-mınýtta Arzýmanıandy almastyrsa, Geınrıh Kovalchýktiń ornyna 73-mınýtta shyqty. Osydan keıin Emıl Kenjesarıevtiń alańǵa shyǵýymen «Aqtóbeniń» shabýyly odan saıyn kúsheıe tústi. Sondaı sátterdiń birinde cheh tóreshisi «Breıdablıktiń» aıyp alańynda oıyn erejesiniń buzylǵanyn kórip, qonaqtar qaqpasyna penal tı belgiledi. Bul joly alań ıeleriniń shtattaǵy penaltısi Marat Haırýllınniń soqqysyn Gýnnleıfsson qaıtara almady. Esep – 1:0. «Aqtóbe» 90 mınýt boıy jankúıer júıkesin tozdyryp, kópten kútken jeńisine jetti.
«Aqtóbe» men «Breıdablık» arasyndaǵy kelesi oıyn 8 tamyz kúni Islandııada ótedi. Bul kezdesýde «Aqtóbe» alań ıelerinen eki dop aıyrmashylyǵymen jeńilmese, tuńǵysh ret Eýropa lıgasynyń toptyq týrnırine qatysady.
Dastan Kenjalın.