Adam quqyqtary jónindegi ýákil Asqar Shákirov qoldanylyp júrgen zańnamaǵa sáıkes 2009 jylǵy qyzmeti týraly esebin Memleket basshysyna usyndy.
Qujat memlekettik organdardyń kóptegen quqyq qorǵaý máseleleri boıynsha Ýákil buryn bergen usynystardyń iske asyrylýynyń taldaýyn qamtıdy. Esepte buqaralyq aqparat quraldary monıtorınginiń nátıjeleri mazmundalǵan, qoǵamda úlken pikirtalas týdyrǵan jekelegen máseleler boıynsha Ombýdsmenniń jumysy kórsetilgen, sondaı-aq memlekettik organdarǵa jibergen tıisti hattar qamtylady.
Esepte azamattardyń hattarymen jumys, sondaı-aq Ýákildiń jáne Adam quqyqtary jónindegi ulttyq ortalyq qyzmetkerleriniń qoǵamdyq jáne halyqaralyq sharalarǵa qatysýy týraly statıstıkalyq derekter keltirilgen.
Esepti Prezıdent maquldap, memlekettik organdarǵa qujatty zerdeleýdi jáne onda kórsetilgen adam quqyqtaryn buzý faktilerin joıý jóninde tıisti shara qoldanýdy tapsyrdy, dep habarlady Adam quqyqtary jónindegi ýákil apparatynyń baspasóz qyzmeti