Reseı Federasııasy amerıkalyq qaýipsizdik qyzmetiniń burynǵy qyzmetkeri Edvard Snoýdenge ýaqytsha saıası baspana berdi. Bul týraly «WikiLeaks» tvıtterinde málimdendi.
Qorǵaýshy Anatolıı Kýcherenanyń aıtýynsha, saıası baspana bir jylǵa usynylyp otyr. Málimdemeniń dáleli retinde qorǵaýshy Snoýden qujatynyń kóshirmesin kórsetti. «Onyń ornalasqan jeri qaýipsizdik máselesine oraı qupııada saqtalady», – dedi Kýcherena.
«Novostı» agenttiginiń aqparyna súıensek, Snoýden «Sheremetevo» áýejaıynan shyǵyp, jalǵyz ózi jol júrip ketken.
Edvard Snoýden «Sheremetevo» áýejaıynyń tranzıttik aımaǵynda 23 maýsymnan beri turyp kelgen edi. Onyń amerıkalyq pasporty kúshin joıýyna oraı, Snoýden áýejaı aýmaǵyn kete almady.
AQSh bıligi Reseıge Snoýdendi ózderine tapsyrý jóninde birneshe ret ótinish bildirdi. Alaıda, Máskeý ony qaıtarǵan jaǵdaıda qashqyndy qınaý men ólim jazasy kútip turǵanyn eskerip, ótinishti oryndamady.
Aıdar О́risbaev.