Voleıbol. Keshe Italııanyń Montıkıarı qalasynda voleıboldan áıelder arasyndaǵy HHI álem gran-prı jarysy bastaldy.
Bul synǵa «E» tobynda bizdiń ulttyq qurama da qatysady. Aleksandr Gýtor jattyqtyratyn komanda alǵashqy oıynyn Germanııa komandasymen ótkizedi. Odan keıin alań ıelerimen, al jeksenbide Argentına voleıbolshylarymen kúsh synasady.
Voleıbol. Keshe Italııanyń Montıkıarı qalasynda voleıboldan áıelder arasyndaǵy HHI álem gran-prı jarysy bastaldy.
Bul synǵa «E» tobynda bizdiń ulttyq qurama da qatysady. Aleksandr Gýtor jattyqtyratyn komanda alǵashqy oıynyn Germanııa komandasymen ótkizedi. Odan keıin alań ıelerimen, al jeksenbide Argentına voleıbolshylarymen kúsh synasady.
Basketbol. Qazaqstannyń erler quramasy Fılıppınde ótip jatqan Azııa chempıonatynda alǵashqy jeńisine jetti.
Bizdiń qurama Taılandpen kezdesip, 81:67 esebimen utty. Bul oıynda bizge taı komandasymen oınaý asa qıyn bolǵan joq. Kezdesýdiń alǵashqy bóligi 42:33 esebimen qazaqstandyqtar paıdasyna sheshildi. Taıland jigitteri oıynnyń úshinshi jáne tórtinshi kezeńderinde esepti teńestirýge tyrysqanymen, nátıje shyǵara almady.
Keshe keshkisin jerlesterimiz Bahreın komandasymen oınady.
Fýtbol. «Aqtóbe» óz alańynda Islandııanyń «Breıdablık» komandasyn jeńgennen keıin Qazaqstan ÝEFA-nyń klýbtyq reıtıngisi boıynsha 35 orynǵa kóterildi.
Qazir Qazaqstan men Bosnııa jáne Gersogovınanyń jınaǵan upaılary – 7.500. Alaıda, Bosnııanyń «Shırokı Brıegi» óz alańynda Italııanyń «Ýdıneze» komandasyna 1:3 esebimen ese jiberdi. Sóıtip, Qazaqstan ÝEFA kórsetkishi boıynsha Bosnııa jáne Gersogovınany basyp ozdy.
Reıtıngide Ispanııa, Anglııa, Germanııa komandalary kósh bastasa, TMD elderiniń ishinen Reseı – segizinshi, Ýkraına toǵyzynshy oryndarda tur.
Erkin kúres. Ispanııanyń Madrıd qalasynda erkin kúresten ótken gran-prı týrnırinde Qazaqstan balýandary Aıdar Baldanbaev pen Teımýraz Tıgıev qola júldeni jeńip aldy.
Aıdar 74 kıloǵa deıingi salmaqta avstrııalyq jáne slovakııalyq qarsylastaryn utsa, Teımýraz 120 kılo salmaqqa deıingi synda kanadalyq Koreıa Djarvazadan basym tústi. Osy nátıjemen Qazaqstan quramasy týrnırdegi qatysqan 20 eldiń arasynda jalpykomandalyq esepte jetinshi orynǵa turaqtady.
Velosport. «Astana» komandasy Gollandııa chempıondary Lıýva Vestra jáne Franko Pellısottımen kelisim-shartqa otyrdy.
«Astana Pro Team» komandasynyń bas menedjeri Aleksandr Vınokýrovtyń aıtýynsha, Gollandııanyń jekelegen jarystaryndaǵy bıylǵy chempıony Lıýva Vestra kelesi jyly Vınchenso Nıbalıǵa «Týr de Frans» kópkúndiginde kómekshi bola alady. «Byltyr Vestra Kalıfornııa týry men Danııa týryn jeńdi. Sondyqtan oǵan ábden senýge bolady», dedi ol. Al Pellısottı týraly Vınokýrov onyń tájirıbeli veloshabandoz ekenin, kelesi jyly onyń da komandaǵa kóp kómektesetinin aıtty.
Komanda, sondaı-aq, 2015 jylǵa deıin Dmıtrıı Mýravev, Borýt Bozıch, Franchesko Gavassı jáne Paolo Tıralongomen, 2016 jylǵa deıin Fabıo Arýmen kelisimshartyn uzartty.
«Egemen-aqparat».