Qytaıdyń Shenchjen qalasynda ótken Halyqaralyq sý sporty túrleri federasııasynyń (FINA) sanatyndaǵy Champions Swim Series jarysynyń birinshi kezeńi óz máresine jetti. Baıraqty básekede otandasymyz Dmıtrıı Balandın eki qola medal oljalady.
Birinshi kezeńniń sońǵy kúninde ol 200 metrge brass ádisimen júzýden qola júldeger atandy. Ol atalǵan qashyqtyqty 2:13:58 ýaqyt kórsetkishimen júzip ótti. Básekede Balandınnen bes sekýnd erte júzip ótken Nıderland ókili Arno Kammınga top jardy (2:09:00). Kúmis júldeni germanııalyq Marko Koh ıelendi.
Aıta keteıik, Rıo Olımpıadasynyń chempıony jarystyń alǵashqy kúninde 100 metr qashyqtyqqa brass ádisimen júzýden qola júldeger atanǵan-dy. Byltyr ǵana tusaýy kesilgen úsh kezeńnen turatyn dodanyń ekinshi kezeńi 18-19 qańtarda Beıjińde ótedi.