Qazaqstandyq dzıýdoshylar jyldyń alǵashqy jarysyn Tel-Avıvtegi (Izraıl) álemdik Gran-prı básekesinen bastaıdy. 23-25 qańtar kúnderi jalaýy jelbireıtin dodada Qazaqstan namysyn 20 dzıýdoshy qorǵaıdy.
Erler básekesinde Maǵjan Shámshıddın men Ǵusman Qyrǵyzbaev (60 kg), Eldos Jumaqanov pen Erlan Serikjanov (66 kg), Jansaı Smaǵulov pen Serik Aqylbek (73 kg), Dıdar Hamza men Rýslan Musaev (81 kg), Ersultan Muzaparov (90 kg), Aıbek Serikbaev pen Vıktor Demıanenko (100 kg), Erasyl Qajybaev pen Ǵalymjan Qyryqbaı (+100 kg) óner kórsetedi. Áıelder arasynda Aqmaral Naýatbek (48 kg), Anna Kazıýlına (52 kg), Sevara Nyshanbaeva (57 kg), Móldir Narynova men Zere Bektasqyzy (70 kg), Zarına Raıfova (78 kg), Nazgúl Maratova (+78 kg) saıysqa túsedi.
Aıta keteıik, osy beldesýde bas júldeni oljalaǵan balýanǵa 700 upaı berilse, kúmis jáne qola júldegerler 490 jáne 350 upaıdan oljalaıdy.