Bul kúnderi Kýveıtte nysana kózdeý jáne stend atýdan halyqaralyq Gran-prı týrnıri ótip jatyr. Atalǵan synda qazaqstandyq mergender sátti óner kórsetýde, dep habarlady UOK baspasóz qyzmeti.
Stend atýdan «Skıt» baǵdarlamasynda otandasymyz Aleksandr Muhamedıev qarsylastarynan oza shaýyp, tuǵyrdyń eń bıik satysyna kóterildi. Taǵy bir qazaqstandyq sportshy Aleksandr Eshenko júldege qol sozym jerde súrinip, tórtinshi oryndy qanaǵat tutty.
Áıelder arasyndaǵy «Skıt» baǵdarlamasynda da qandastarymyz júldegerler qatarynan kórindi. Atap aıtar bolsaq, Ásem Orynbaı kúmis júlde ıelense, Anastasııa Molchanova qolaǵa qol jetkizdi. Al fınalda synǵa túsken taǵy bir sportshymyz Zoıa Kravchenko altynshy orynda qalyp qoıdy.