Shymkenttegi kórme ortalyǵynda uly Abaıdyń 175 jyldyq mereıtoıyna arnalǵan poezııa keshi ótti. Mádenı is-sharada uly aqynǵa arnalǵan kitap kórmesi uıymdastyryldy.
Kórmege Abaı týraly kitaptar men estelikter jáne aqynnyń óz shyǵarmalary qoıyldy.
«Abaı murasyn nasıhattaý barysynda aýqymdy is-sharalar ótýde. Kúni keshe elimizdegi Abaı operasynda bıylǵy mereıtoı bastaldy. 2020 jyly Qazaqstanda ǵana emes, shetelderde de Abaıǵa eskertkish qoıylyp, Abaı ortalyqtary ashylmaq. Qaı sala mamany bolmasyn uly danyshpandy temirqazyqtaı ustap, tereń tanýy kerek», dedi Mádenıet, tilderdi damytý jáne arhıvter basqarmasynyń basshysynyń orynbasary Ǵalııa Sharafıeva.
Poezııa keshinde hımııa-bıologııa baǵytyndaǵy Nazarbaev Zııatkerlik mektebiniń oqýshylary, «B.О́tep» atyndaǵy mamandandyrylǵan «О́ner» mektep-ınternatynyń jáne M. Tasova atyndaǵy №12 mamandandyrylǵan mektep-ınternatynyń oqýshylary Abaıdyń óleńi men qara sózderin jatqa aıtyp, kórermenniń ystyq yqylasyna bólendi.