T.Júrgenov atyndaǵy óner akademııasynyń «Horeografııa» fakýltetiniń qurylǵanyna 25 jyl tolýyna oraı «Uly Dala Jastary» jas horeograftardyń II respýblıkalyq baıqaýy ótti.
Almaty qalasy «Rýhanı jańǵyrý» jobalyq keńsesiniń málimetine súıensek, «Horeografııa» fakýlteti Eriktiler jylyndaǵy birinshi is-sharany fakýltettiń eriktilermen bastady. Olar talapkerlerdi tirkeý, ekskýrsııa, eki týrǵa daıyndyq máselelerine belsendi kómektesti.
II respýblıkalyq «Uly Dala Jastary» jas horeograftardyń baıqaýy akademııaǵa túsý úshin talapkerlerdi irikteý maqsatynda uıymdastyryldy. Baıqaýdyń qorytyndysy boıynsha I dárejeli laýreattar — shyǵarmashylyq emtıhan tapsyrmaı horeografııa fakýltetine túsý quqyǵyna ıe boldy.
Baıqaýdyń ashylýynda tárbıe jumysy jáne áleýmettik máseleler jónindegi prorektory A. A. Shoman myrza quttyqtaý sózimen sóz sóıledi.
Fakýltet aýqymdy kásibı baǵdar berý jumystaryn júrgizdi. Irikteý kezeńiniń qorytyndysy boıynsha baıqaýǵa 19 talapker qatysty. Olardyń ishinde alty jeńimpaz 4 mamandyq boıynsha úmitker dep tanyldy. Baıqaý baǵdarlamasy halyqtyq jáne zamanaýı bılerge arnaldy.
Baıqaý nátıjesi boıynsha 1-orynǵa Beloýsov Roman, Ǵazızova Ajar, Saıabaeva Malıka, Serǵazyqyzy Damıra, Súleımenova Dalıla, Han Elvına, al 2-orynǵa Eginbaı Erasyl, Qýanysheva Dılnaz, Qumarova Ádemi, Orynbasar Aısha, 3-orynǵa Islıamova Ajar, Quttybaı Arýjan, Maksımova Nargız ıe boldy.