Shymkent qalasynyń ákimi Murat Áıtenovtiń tóraǵalyǵymen TMD elderiniń mádenı astanasy is-sharalaryn ótkizý jáne daıyndyq jumystary boıynsha májilis bolyp ótti. Bul týraly Shymkent qalasy ákimdiginiń baspasóz qyzmeti habarlady.
Mádenı astana mártebesin joǵary deńgeıde atap ótý úshin qala ákimdigimen negizgi 6 baǵytty qamtıtyn tapsyrma-jospar bekitilip, búginde olarmen tıisti jumystar bastalyp ketti.
Mádenı astana jyly TMD elderi men IýNESKO kóleminde atalyp ótiletinin aıtqan qala basshysy osy arqyly qazaq halqynyń salt-dástúri men mádenıetin álemge tanytýǵa múmkindik mol ekenin aıtyp, is-sharany joǵary deńgeıde ótkizý boıynsha jaýapty sala jetekshilerine naqty birqatar tapsyrma júktedi.
Tapsyrma-josparda salalyq basqarmalarǵa qurylys jáne kólik ınfraqurylymy men týrıstik ınfraqurylymdy damytý, densaýlyq saqtaýdy uıymdastyrý jáne eriktilerdi tartý baǵytynda medısınalyq pýnktterdiń jumysyn uıymdastyrý, ınjenerlik ınfraqurylymdy damytý, órt qaýipsizdigi jáne quqyqtyq tártipti qamtamasyz etý, sonymen qatar, aqparattyq qoljetimdilikti qamtamasyz etý men áleýmettik-mádenı qoǵammen baılanys is-sharalaryn ótkizý baǵyty boıynsha naqty mindetterdi tapsyrdy.