Elordalyq Investısııalar jáne kásipkerlikti damytý basqarmasynyń aqparatyna sáıkes, qala negizgi azyq-túlik ónimderimen 53% qamtamasyz etilgen. Bul týraly Nur-Sultan qalasy ákimdiginiń baspasóz qyzmeti habarlady.
Bas qalanyń azyq-túlik ónimderine degen qajettiliginiń 47%-y Qazaqstannyń basqa óńirlerinen, kóbine jaqyn jáne alys shetelderden ákeliný esebinen qanaǵattandyrylady. Paıyzdyq qatynasta alsaq, azyq-túliktiń 22% – menshikti óndiris esebinen, 31% – azyq-túlik belderýinen jetkizilimderden, 47% – respýblıkanyń basqa óńirlerinen jáne ımport boıynsha qamtamasyz etiledi.
Qazirgi ýaqytta qala aýmaǵynda un, nan, shujyq ónimderi, irimshik pen makaron ónimderdiń óndirisi boıynsha 56 qaıta óńdeý kásiporny jumys isteıdi. Mamandardyń esepteýinshe, aǵymdaǵy jyly eń tómengi normalar boıynsha elordanyń nanǵa degen qajettiligi 80 055 tonnany, kartop – 107 540 tonnany, et – 33 000 tonnadan astam, sút – 95 654 tonnany, jumyrtqa – 160 744 tonnany quraıdy.