Kamera aldynda oıqastaǵan qar barysy

BUU Damý baǵdarla­masynyń ja­nýarlar ále­min basqarý júıesi bo­ıynsha sarapshysy Aı­man Omarbekovanyń aıtýynsha, atalǵan ańnyń ka­meraǵa eki alanymen júr­gen enesi túsken eken. Kú­shikterdiń jasy – shamamen 1,5 jyl. Sırek kadrdy bıyl qańtar aıynyń basynda Almaty qoryǵy men Zoo­logııa ınstıtýtynyń ma­mandary aldy.

Elimizde qar barysy aı­ryqsha qorǵalatyn Tıan-Shan, Jetisý, Tar­baǵataı, Saýyr men Al­taı taýlarynda meken­deıdi. BUU Damý baǵdarlamasy byltyr qar barysyn baqylaý men qorǵaý maqsatynda Al­maty tabıǵı qoryǵyna 25 fotoqurylǵy satyp alyp beripti. Bul qural Jahandyq ekologııalyq qor, BUU DB jáne Qazaq­stan Úkimetiniń ortaq jobasy aıasynda satyp alyndy. Qazirgi ýaqytta qar barysyn baqylaý úshin 294 fotoqurylǵy Almaty, Shyǵys Qazaqstan, Jam­byl jáne Túrkistan ob­lys­taryndaǵy erekshe qor­ǵalatyn 13 aýmaqqa qoıyl­dy. Al elimizde ba­rys­tyń jal­­py sany 130-140 shamasynda.