Memleket basshysynyń qatysýymen ótken Qazaqstan Respýblıkasynyń Úkimetiniń keńeıtilgen otyrysynda Prezıdent Qasym-Jomart Toqaev Uly Abaıdyń 175 jyldyǵyna arnalǵan sharalarǵa qatysty máselelerdi kóterdi. Osy tarapta Memleket basshysy ShQO ákimi Danıal Ahmetovke birqatar tapsyrmalar berdi.
«Qajeti bolsa bólingen qarjyny qysqartý kerek. Ysyrapshyldyqqa jol bermeý qajet. Bul sharalarda uqyptylyq bolsyn, shekten tys konsertterdi uıymdastyrý, sheteldik ártisterdi tartý qajet emes. Tipti demeýshilik qarjy bólingenniń ózinde, ysyrapshyldyq kerek emes. Osy oraıda, Abaıdyń 175 jyldyǵyn atap ótý aıasynda uıymdastyrylatyn barlyq sharalardy muqııat pysyqtap shyǵyńyzdar» dedi Prezıdent.
Jıynda Qasym-Jomart Toqaev atalǵan sharalar aǵartýshylyq maqsatty kózdeýi kerektigin jáne ıdeologııalyq mańyzy tereń bolǵany qajettigin taǵy da naqtylady.